ବେଲଗୁଣ୍ଠା, -(ଶିବରାମ ଚୌଧୁରୀ )-,ବେଲଗୁଣ୍ଠା ବ୍ଳକ୍ କଳା ସଂସ୍କୃତି ସଂଘ ଆନୁକୂଲ୍ଯରେ ଆଜି ବେଲଗୁଣ୍ଠା ପଂଚାୟତ ସମିତି କାର୍ଯ୍ୟାଳୟ ପରିସରରେ ଆଗାମୀ ଆଇଇସି କାର୍ଯ୍ୟକ୍ରମ ପାଇଁ ବ୍ଲକ୍ ର ଲୋକ କଳାକାର ମାନଙ୍କୁ ଏକ ସାମର୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି I ବେଲଗୁଣ୍ଠା ଗୋଷ୍ଠୀ ଉନ୍ନୟନ ଅଧିକାରୀ ରୋଶନ୍ ଶତପଥୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସାମର୍ଥ୍ୟ ପରୀକ୍ଷା ଶିବିରରେ ଏବିଡିଓ ପୂର୍ଣ୍ଣଚନ୍ଦ୍ର ପାଢୀ,ବ୍ଳକ୍ କଳା ସଂସ୍କୃତି ଉପସଭାପତି କୁଞ୍ଜ ଖଣ୍ଡୁଆଳ, ବ୍ଳକ୍ ସାମାଜିକ ସୁରକ୍ଷା ଅଧିକାରୀ ଜଗନ୍ନାଥ ସାହୁ ପ୍ରମୁଖ ଉପସ୍ଥିତ ଥିଲେ I ଏହି ଶିବିରରେ ଆଗାମୀ ଦିନରେ ଗାଆଁ ସ୍ତରରେ ଲୋକକଳା ମାଧ୍ୟମରେ ବିଭିନ୍ନ ସରକାରୀ ଯୋଜନା ତଥା ଶିକ୍ଷା, ସ୍ୱାସ୍ଥ୍ୟ, ଯୋଗାଯୋଗ ଆଦି ସଚେତନତାମୂଳକ କାର୍ଯ୍ୟକ୍ରମକୁ ଉପସ୍ଥାପନ କରିବା ସମ୍ପର୍କରେ ଆଲୋଚନା କରାଯାଇଥିଲା I ଏହି ପ୍ରରିପ୍ରେକ୍ଷୀରେ ଆଗାମୀ କାର୍ଯ୍ୟକ୍ରମ ପାଇଁ ପ୍ରତି ପଂଚାୟତରୁ ଶ୍ରେଷ୍ଠ ଲୋକକଳା ପ୍ରଦର୍ଶନ କରିଥିବା ଦୁଇ ଜଣ ଲେଖାଏଁ ଲୋକ କଳାକାରଙ୍କୁ ଚୟନ କରାଯାଇଥିଲା I ଆଜି ଚୟନ କରାଯାଇଥିବା ଲୋକ କଳାକାରଙ୍କୁ ଆଇଇସି କାର୍ଯ୍ୟକ୍ରମ ପାଇଁ ଆଗାମୀ ଦିନରେ ତାଲିମ୍ ପ୍ରଦାନ କରାଯିବ ବୋଲି ବିଡ଼ିଓ ରୋଶନ୍ ଶତପଥୀ ପ୍ରକାଶ କରିଥିଲେ I କାର୍ଯ୍ୟକ୍ରମରେ ବେଲଗୁଣ୍ଠା ବ୍ଳକ୍ ର ବହୁ ଲୋକ କଳାକାର ଯୋଗ ଦେଇଥିଲେ I