ଭୁବନେଶ୍ୱର: ବନ ମହୋତ୍ସବ ସପ୍ତାହ ପାଳନ ଅବସରରେ "ବୁଗିନ ହୋ" ଶିକ୍ଷାକେନ୍ଦ୍ର, ଗୋଡିବାରି ଗ୍ରାମ ରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ "ଜୟ ଓଡ଼ିଶା" ର ଅଧ୍ୟକ୍ଷ ଶ୍ରୀ ରୁଦ୍ର ସାମନ୍ତରାୟ ଯୋଗ ଦେଇ ବୃକ୍ଷ ରୋପଣ ସହ ପିଲାମାନଙ୍କୁ ଭୁରି ଭୁରି ପ୍ରଶଂସା କରିଥିଲେ। ଶ୍ରୀ ଅମୀୟ ପଟ୍ଟନାୟକ, ଶ୍ରୀ ପ୍ରସନ୍ନ ପଣ୍ଡା, ଶ୍ରୀ ଜୟକୃଷ୍ଣ ମହାନ୍ତି, ଏବଂ ଶ୍ରୀମତୀ ସ୍ୱାତି ମହାନ୍ତି ଏହି କାର୍ଯ୍ୟକ୍ରମ ରେ ଯୋଗ ଦେଇ ପିଲାମାନଙ୍କୁ ଉତ୍ସାହିତ କରିଥିଲେ।
ଛାତ୍ରଛାତ୍ରୀ ମାନଙ୍କୁ ଗପ, ଗୀତ, ନୃତ୍ୟ ଓ ଖେଳ ମାଧ୍ୟମରେ ଗଛ ଲଗେଇବା ଏବଂ ତାହାକୁ ଯତ୍ନ ର ସହ କିପରି ବଞ୍ଚାଇରଖିବା ସେଇ ବିଷୟ ରେ "ବୁଗିନ ହୋ"ର ମୁଖ୍ୟ ପରାମର୍ଶଦାତା ସବିତା ପଟ୍ଟନାୟକ ବୁଝାଇଥିଲେ। କାର୍ଯ୍ୟକ୍ରମ ରେ ଜୟ ଓଡ଼ିଶାର ସଦସ୍ୟ ମାନେ ସକ୍ରିୟ ଭାବେ ଅଂଶ ଗ୍ରହଣ କରିଥିଲେ।