ନୟାଗଡ଼,(ଲକ୍ଷ୍ମୀଧର ସାହୁ): ନୟାଗଡ଼ ଭଦ୍ରକ ମଧ୍ୟରେ ଖୁବ ଶୀଘ୍ର ଗଡ଼ିବାକୁ ଯାଉଛି ମେମୁ ପାସେଞ୍ଜର ଟ୍ରେନ। ଅପ୍ରେଲ ମାସ ପ୍ରଥମ ସପ୍ତାହରୁ ଏହି ଟ୍ରେନ ଚଳାଚଳ କରିବ ବୋଲି ବିଭାଗ ପକ୍ଷରୁ ଆଭାସ ମିଳିଛି। ତେବେ ବିଧିବଦ୍ଧ ଭାବେ ଏ ନେଇ କୌଣସି ବିଜ୍ଞପ୍ତି ପ୍ରକାଶ ପାଇନାହିଁ। ମିଳିଥିବା ସୂଚନା ଅନୁସାରେ ଭଦ୍ରକରୁ ଏହି ଟ୍ରେନ ସକାଳ ୫:୪୫ରେ ବାହାରି କଟକରେ ୮:୪୦ରେ ପହଞ୍ଚିବ । ସେଠାରୁ ଭୁବନେଶ୍ୱର ଆସି ସକାଳ ୯:୩୦ରେ ଛାଡ଼ି ନୟାଗଡ଼ ଟାଉନ ଷ୍ଟେସନରେ ୧୧:୩୦ରେ ପହଞ୍ଚିବ। ସେହିପରି ଅପରାହ୍ନ ୪ଟା ରେ ନୟାଗଡ଼ ଛାଡି ଭଦ୍ରକରେ ରାତି ୧୦:୩୦ରେ ପହଞ୍ଚିବ। ସୂଚନାଯୋଗ୍ୟ ଯେ କିଛି ଦିନ ତଳେ ପୂର୍ବତନ ମନ୍ତ୍ରୀ ତଥା ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁ ନୟାଗଡ଼ ଭଦ୍ରକ ମଧ୍ୟରେ ଟ୍ରେନ ଚଳାଇବା ପାଇଁ ବିଭାଗକୁ ଚିଠି ଲେଖି ଦାବି କରିଥିଲେ।