ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହର ସମେତ ପ୍ରତ୍ୟେକ ବ୍ଲକ୍ ଅଞ୍ଚଳରେ ଧୂମଧାମରେ ଅଗ୍ରପୂଜ୍ୟ ଗଣେଶଙ୍କ ପୂଜା ଅନୁଷ୍ଠିତ ହୋଇଛି।
ପାରଳାଖେମୁଣ୍ଡି ସହରର ସାହି ସାହିରେ ଗଣେଶ ପୂଜା ଚାଲିଛି। ବିଶ୍ୱନାଥ ନଗର , ସେଗିଡି ସାହି , ପୋଷ୍ଟ ଅଫିସ ସାହି , ପାଡାଲ ସାହି , ବକ୍ସି ସାହି , ରେଖନା ସାହି , କରଣ ସାହି, ଗୋପୀନି ସାହି , ସିଙ୍କି ସାହି , କବିଚନ୍ଦ୍ର ସାହି , ବଡ଼ଦାଣ୍ଡ ସାହି , ଭଣ୍ଡାରି ସାହି ସମେତ ଅନେକ ସାହିରେ ପୂଜା କମିଟି ପକ୍ଷରୁ ବିଭିନ୍ନ ରୂପରେ ଗଢ଼ାଯାଇଥିବା ଠାକୁରଙ୍କ ମୂର୍ତ୍ତି ସ୍ଥାପନ କରି ପୂଜା କରାଯାଇ ଥିବା ବେଳେ ରଙ୍ଗବେରଙ୍ଗର ସୁସଜ୍ଜିତ ତୋରଣ ଓ ଆଲୋକମାଳରେ ଆକର୍ଷଣୀୟ ହୋଇଛି। ସେହିପରି ଜିଲ୍ଲାର ଆର୍.ଉଦୟଗିରି , ମୋହନା , ନୂଆଗଡ଼ , ରାୟଗଡ଼ ,ରାମଗିରି , ଗୋଷାଣୀ , ଗୁମ୍ମା ଅଞ୍ଚଳରେ ପ୍ରତ୍ୟେକ ସାହି ଓ ବସ୍ତିରେ ଧୂମଧାମରେ ଗଣେଶ ପୂଜା ଅନୁଷ୍ଠିତ ହୋଇଯାଇଛି।