ରାଜନଗର:(ପର୍ଶୁରାମ ସ୍ୱାଇଁ ) ପଟ୍ଟାମୁଣ୍ଡାଇ ପୌରପରିଷଦ କାର୍ଯ୍ୟାଳୟରେ ସ୍ୱାୟତ୍ତ ଶାସନ ଦିବସ ପାଳିତ ହୋଇଯାଇଛି | ଏ ଉପଲକ୍ଷେ ଅନୁଷ୍ଠିତ କାର୍ଯ୍ୟକ୍ରମରେ ରାଜ୍ୟସଭା ସାଂସଦ ଶ୍ରୀଯୁକ୍ତ ମାନସ ରଂଜନ ମଙ୍ଗରାଜ ଓ ରାଜନଗର ବିଧାୟକ ଧ୍ରୁବ ସାହୁ ସମ୍ମାନୀୟ ଅତିଥି ଭାବେ ଯୋଗ ଦେଇଥିଲେ | ପ୍ରଥମେ ପୌରପରିଷଦ କାର୍ଯ୍ୟାଳୟ ପରିସରରେ ଜାତୀୟ ପତକା ଉତ୍ତୋଳନ କରାଯାଇଥିଲା ଏବଂ ତାପରେ ପ୍ରେକ୍ଷାଗୃହରେ ସାଧାରଣ ସଭା ଅନୁଷ୍ଠିତ ହୋଇଥିଲା | ଉକ୍ତ ସାଧାରଣ ସଭାରେ ପୌରପରିଷଦର ଚେୟାରମ୍ୟାନ ଓ ସମସ୍ତ ସଭ୍ୟ ସଭ୍ୟା ମାନଙ୍କ ସହିତ ବହୁ ମାନ୍ୟ ଗଣ୍ୟ ବ୍ୟକ୍ତି ଉପସ୍ଥିତ ଥିଲେ | ସ୍ବାୟତ୍ତ ଶାସନ ଦିବସ ଅବସରରେ ପଟ୍ଟାମୁଣ୍ଡାଇ ପୌର ପରିଷଦ ଭେଣ୍ଡିଙ୍ଗ୍ ଜୋନ୍ ର ଶୁଭ ଲୋକାର୍ପଣ ବିଧାୟକ ଶ୍ରୀ ସାହୁଙ୍କ ଉପସ୍ଥିତିରେ ସାଂସଦ ଶ୍ରୀଯୁକ୍ତ ମଙ୍ଗରାଜ ଙ୍କ କରକମଳରେ ସମ୍ପାଦିତ ହୋଇଥିଲା | ଉକ୍ତ ଉତ୍ସବରେ ଜିଲ୍ଲାପାଳ କେନ୍ଦ୍ରାପଡା ଅମ୍ରିତ ଋତୁରାଜ ଏବଂ ସମସ୍ତ ନେତୃମଣ୍ଡଳୀ ଙ୍କ ସହିତ ସମସ୍ତ ବିଭାଗୀୟ ଅଧିକାରୀ ଉପସ୍ଥିତ ଥିଲେ !
ପଟ୍ଟାମୁଣ୍ଡାଇ ବ୍ଲକ କାର୍ଯ୍ୟାଳୟ ପରିସରରେ ଥିବା ଜାତିର ପିତା ମହାତ୍ମାଗାନ୍ଧୀଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବା ସହିତ ବାଇପାସ ନିକଟରେ ବିଜୁ ବାବୁଙ୍କ ପ୍ରତିମୂର୍ତ୍ତୀରେ ପୁଷ୍ପମାଲ୍ୟ ଅର୍ପଣ କରିଥିଲେ | ଏହାସହ ପଟ୍ଟାମୁଣ୍ଡାଇ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଥିବା ରୋଗୀମାନଙ୍କୁ ଫଳ ବଣ୍ଟନ କରାଯାଇଥିଲା |
