ମେଲଛାମୁଣ୍ଡା(ମନୋଜ ଭୋଇ)-ସ୍ୱାଧିନତାର ଅମୃତ ମହୋତ୍ସବ ପୂର୍ତି ଅବସରରେ ସାରା ରାଜ୍ୟରେ ଭ୍ରମଣ କରୁଥିବା ଅହିଂସା ରଥକୁ ମଙ୍ଗଲବାର ଦିନ ରାଜବୋରାସମ୍ବର ବ୍ଳକର ପ୍ରବେଶ ପଥ ମେଲଛାମୁଣ୍ଡା ବସଷ୍ଟାଣ୍ଡଠାରେ ବ୍ଳକ ପ୍ରଶାସନ ଏବଂ ପଂଚାୟତ ପ୍ରଶାସନ ତରଫରୁ ମହାଆଡମ୍ବରରେ ସ୍ୱାଗତ କରାଯାଇଛି । ବିଡିଓ ବିଶ୍ୱନାଥ ସାହୁ, ସହକାରୀ ଯନ୍ତ୍ରୀ ଅଂଶୁ କୁମାର, କନିଷ୍ଠ ଯନ୍ତ୍ରୀ ଦିବ୍ୟରାଜ ସିଂ ବିଶ୍ୱାଲ, ସ୍ଥାନୀୟ ସରପଂଚ ପ୍ରତ୍ୟୁଷ ଭୋଇ, ଥାନା ଭାରପ୍ରାପ୍ତଅଧି କାରୀ ବାଲୁଙ୍କେଶ୍ୱର ନାଏକ ପ୍ରମୁଖ ସ୍ୱାଗତ କରିଥିବା ବେଳେ ମେଲଛାମୁଣ୍ଡା ଅଂଚଳର ସମସ୍ତ ସରକାରୀ ଓ ବେସରକାରୀ କାର୍ଯ୍ୟାଳୟର ସମସ୍ତ କର୍ମଚାରୀ ଉପସ୍ଥିତ ଥିଲେ । ମେଲଛାମୁଣ୍ଡା ଉଚ୍ଚ ବିଦ୍ୟାଳୟ କର୍ମଚାରୀ ଓ ଛାତ୍ର ଛାତ୍ରୀ ବିଦ୍ୟାଳୟ ପର୍ଯ୍ୟନ୍ତ ପାଛୋଟି ଆଣି ବିଦ୍ୟାଳୟ ସମ୍ମୁଖରେ ବିଦ୍ୟାଳୟ ତରଫରୁ ସ୍ୱାଗତ କରିଥିଲେ । ରଥ ସମ୍ମୁଖରେ ଛାତ୍ରୀ ମାନଙ୍କ ଦେଶାତ୍ମବୋଧକ ଗୀତରେ ନୃତ୍ୟ ଆର୍କଷଣର କେନ୍ଦ୍ର ବିନ୍ଦୁ ପାଲଟିଥିଲା । ବ୍ଳକ ପ୍ରଶାସନ ରଥଟିକୁ ପଦ୍ମପୁରକୁ ପାଛୋଟି ନେଇଥିଲେ ।