ମେଲଛାମୁଣ୍ଡା,(ମନୋଜ ଭୋଇ)-ଦେଶ ଆଜାଦିର ଅମୃତ ମହୋତ୍ସବ ପାଳନ ଅବସରରେ ରବିବାର ଦିନ ମେଲଛାମୁଣ୍ଡାରେ ତ୍ରିରଙ୍ଗା ଶୋଭାଯାତ୍ରା ମହାସମାରୋହରେ ପାଳିତ ହୋଇଯାଇଛି । ନୂଆପାଲିସ୍ଥିତ ନବପ୍ରଭାତ ଗୁରୁକୁଲ ଆଶ୍ରମର ଆନୁକୁଲ୍ୟରେ ଏବଂ ମେଲଛାମୁଣ୍ଡା ଜୟ ହନୁମାନ କ୍ଳବର ସହଯୋଗରେ ଶୋଭାଯାତ୍ରଟି ଅନୁଷ୍ଠିତ ହୋଇଥିଲା । ବିଭିନ୍ନ ସ୍ଲୋଗାନ ଏବଂ ଦେଶାତ୍ମକବୋଧ ଗୀତର ତାଳେ ତାଳେ ଶହେ ମିଟର ଲମ୍ବ ବିଶିଷ୍ଟ ତ୍ରିରଙ୍ଗା ପତାକକୁ ଗୁରୁକୁଲ ଆଶ୍ରମର ଛାତ୍ର ଛାତ୍ରୀ ମୁଣ୍ଡେଇ ଗ୍ରାମ ପରିକ୍ରମା କରିଥିଲେ । ଗ୍ରାମବାସୀ ତ୍ରିରଙ୍ଗା ଶୋଭାଯତ୍ରାକୁ ସ୍ୱାଗତ କରିବା ସହ ଆବାଳ ବୃଦ୍ଧ ବନୀତା ଶୋଭାଯାତ୍ରାରେ ସାମିଲ ହୋଇ ଯାଇଥିଲେ । ବସଷ୍ଟାଣ୍ଡଠାରେ ଆଶ୍ରମର ଛାତ୍ର ଛାତ୍ରୀଙ୍କ ଦ୍ୱାରା ମନମୁଗ୍ଧକର ନୃତ୍ୟ ପରିବେଷଣ କରିଥିଲେ ।