ଗାଇସିଲାଟ- ବରଗଡ ଜିଲ୍ଲାର ଗାଇସିଲାଟ ପଂଚାୟତ ସମିତି ମହାବିଦ୍ୟାଳୟ ଗାଇସିଲାଟ ପରିସରରେ ଆଜି ବୃକ୍ଷରୋପଣ କାର୍ଯ୍ୟକ୍ରମ ଆନୂକୁଲ୍ୟରେ ମହାସମାରୋହରେ ପାଳିତ ହୋଇଯାଇଅଛି । ଯୁବ ରେଡ଼କ୍ରସ, ଇକୋ କ୍ଳବ ଓ ଜାତୀୟସେବା ଯୋଜନା ର ମିଳିତ ଉଦ୍ୟମରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ଅଧ୍ୟକ୍ଷ ସତ୍ୟନାରାୟଣ ପାଣିଗ୍ରାହୀ ଙ୍କ ସଭାପତିତ୍ୱରେ ବୃକ୍ଷରୋପଣ କାର୍ଯ୍ୟକ୍ରମରେ ପ୍ରାଧ୍ୟାପକ ଡ଼. ଜୟକେତନ ତ୍ରିପାଠୀ, ଅର୍ଜୁନ କୁମାର ମହାନ୍ତି, ନାରାୟଣ ମିଶ୍ର, ପ୍ରଶାନ୍ତ କୁମାର ସାହୁ ଓ ଯୁବ ରେଡ଼୍‌କ୍ରସର ପରାମର୍ଶଦାତା ହେମନ୍ତ କୁମାର ପଂଡ଼ା ସମେତ ସମସ୍ତ ଅଧ୍ୟାପକ, ଅଧ୍ୟାପିକା , କର୍ମଚାରୀ ଓ ଶତାଧିକ ଛାତ୍ରଛାତ୍ରୀ ଯୋଗଦାନ କରି କାର୍ଯ୍ୟକ୍ରମକୁ ସାଫଲ୍ୟମଂଡ଼ିତ କରିଥିଲେ । ଏହି ଅବସରରେ ସମସ୍ତେ ଗଛର ଦାୟିତ୍ୱ ନିଜେ ବହନ କରି ତାର ଯତ୍ନ ନେବା ନିମନ୍ତେ ପ୍ରତିଜ୍ଞା କରିଥିଲେ । ଅତ୍ୟନ୍ତ ସୁନ୍ଦର ଭାବରେ ଏହି କାର୍ଯ୍ୟକ୍ରମ ସୁଚାରୁ ରୂପେ ପରିଚାଳିତ ହୋଇଥିବାରୁ ଅଧ୍ୟକ୍ଷ ଆୟୋଜକ ମାନଙ୍କୁ ଧନ୍ୟବାଦ ଜ୍ଞାପନ କରିଥିଲେ ।