ବାଲେଶ୍ଵର ଖଇରା( ବୁଲୁ ଲେଙ୍କା) ବାଲେଶ୍ଵର ଜିଲ୍ଲା ଖଇରା ବ୍ଲକ ବାଉଁଶ ଗଡିଆ ପଞ୍ଚାୟତ ୩ ନମ୍ବର ୱାର୍ଡରେ ହାତୀ ଆକ୍ରମଣ ରେ ଜଣେ ମହିଳା ଙ୍କ ମୃତ୍ୟୁ ଘଟିଛି । ସୂଚନା ରୁ ଜଣାପଡିଛି ଯେ ଉକ୍ତ ଗ୍ରାମର କିଛି ଲୋକ ମାନେ ମିଳିମିଶି ନିକଟସ୍ଥ ମହୁଲ ପଙ୍ଖା କୁ ବାହୁଡ଼ା ଯାତ୍ରା ଦେଖିବାକୁ ଯାଇଥିଲେ । ଫେରିବା ସମୟରେ ଗତ କାଲି ସନ୍ଧ୍ୟା ରେ ବାଲେଶ୍ଵର ଓ କେନ୍ଦୁଝର ସୀମାରେ ହାତୀପଲଙ୍କ ସାମ୍ନା ସାମ୍ନି ହୋଇଥିଲେ । ଚିତ୍କାର କରି ଭୟରେ କେତେଜଣ ଦୈାଡି ପଳାଇ ଯାଇଥିବା ବେଳେ ଦୈପଦୀ ହୋ ନାମକ ମହିଳା ଯାଇ ପାରି ନଥିଲେ ।ଫଳରେ ହାତୀ ତା ଶୁଣ୍ଢରେ ଟାଣି ଆଣି ମାଡି ଦେଇଥିଲା ଘଟଣା ସ୍ଥଳରେ ଶ୍ରୀମତୀ ହୋ , ମୃତ୍ୟୁ ବରଣ କରିଥିଲେ । ବାରମ୍ବାର ଏଭଳି ହାତୀ ଆକ୍ରମଣରେ ଜନସାଧାରଣ ଙ୍କ ମୃତ୍ୟୁ କୁ ନେଇ ସ୍ଥାନୀୟ ବାସିନ୍ଦା ମାନେ ଭୟଭୀତ ଅବସ୍ଥାରେ ଅଛନ୍ତି। ସରକାର ଙ୍କ ତରଫରୁ ଶ୍ରୀମତୀ ହୋ , କୁ ସରକାରୀ ସହାୟତା ଯୋଗାଇ ଦେବା ସହିତ ଏପରି ଘଟଣାର ସ୍ଥାୟୀ ପ୍ରତିକାର କରିବା ପାଇଁ ସ୍ଥାନୀୟ ବାସିନ୍ଦାଙ୍କ ଦାବି ହୋଇଛି !