ବଲାଙ୍ଗୀର : କେତୋଟି ଛୋଟ ମୋଟ ଘଟଣାକୁ ଛାଡିଦେଲେ ବେଶ ଶାନ୍ତି ପୂର୍ଣ୍ଣ ଭାବରେ ଶେଷ ହୋଇଛି ବଲାଙ୍ଗୀର ଜିଲ୍ଲା ରେ ପୌର ନିର୍ବାଚନ । ବଲାଙ୍ଗୀର ର ୮୪ ଟି ବୁଥରେ ମୋଟ ୭୮୭୨୩ଜଣ ଭୋଟରଙ୍କ ମଧ୍ୟରୁ ୪୬୮୯୪ଜଣ ଅର୍ଥାତ୍ ୫୯ ପ୍ରତିଶତ ରୁ ଅଧିକ ଭୋଟ ହୋଇଥିବା ସୂଚନା ମିଳିଛି । ସେହିପରି ଟିଟିଲାଗଡ ପୌରାଞ୍ଚଳ ରେ ୨୫୮୩୭ ଜଣ ଭୋଟର ମଧ୍ୟରୁ ୧୬୧୨୫ଜଣ ଭୋଟର ନିଜର ରାଜନୈତିକ ଅଧିକାର ସାବ୍ଯସ୍ତ କରିଛନ୍ତି । ଏଠାରେ ମୋଟ ୬୨ ପ୍ରତିଶତ ରୁ ଅଧିକ ଭୋଟ ହୋଇଥିବା ସୂଚନା ମିଳିଛି । ପାଟଣାଗଡ ବିଜ୍ଞପିତ ଅଞ୍ଚଳ ପରିଷଦରେ ୧୬୭୨୩ଜଣ ଭୋଟର ଙ୍କ ମଧ୍ୟରୁ ୧୧୭୮୦ ଜଣ ଅର୍ଥାତ୍ ମୋଟ ୭୦ପ୍ରତିଶତ ଭୋଟ ହୋଇଥିବା ଜଣା ପଡିଛି । ସେହି ପରି କଣ୍ଟାବାଞ୍ଜି ସହର ବିଜ୍ଞପିତ ଅଞ୍ଚଳ ପରିଷଦରେ ୧୭୫୫୧ ଜଣ ଭୋଟର ଥିବା ବେଳେ ଭୋଟ ପଡିଛି ୧୨୩୭୧ ଟି । ତୁଷରା ବିଜ୍ଞପିତ ପରିଷଦ ରି ଭୋଟ ର ସଂଖ୍ୟା ୮୨୭୪ଜଣ । ସେ ମଧ୍ୟ ରେ ୬୬୮୮ଜଣ ଭୋଟ ଦେଇଛନ୍ତି ।