" ସମାଜରେ ନିଶାମୁକ୍ତ ଯେ ପର୍ଯ୍ୟନ୍ତ ହୋଇନାହିଁ ସେ ପର୍ଯ୍ୟନ୍ତ ଆମେ ଆଗକୁ ଯାଇପାରିବା ନାହିଁ: ଜିଲ୍ଲାପାଳ ରାୟଗଡ

ରାୟଗଡରୁ ସରୋଜ କୁମାର ସାହୁ: ନିଶାମୁକ୍ତ ଭାରତ ଅଭିଯାନ ନିମନ୍ତେ ଆଜି ସ୍ଥାନୀୟ ମିଶନ ଶକ୍ତି ହଲ ଠାରେ ସ୍ବେଚ୍ଛାସେବୀ ମାନଙ୍କୁ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ରାୟଗଡ ଜିଲ୍ଲାପାଳ ଶ୍ରୀ ସରୋଜ କୁମାର ମିଶ୍ର ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅବକାରୀ ନିରୀକ୍ଷକ ସୀମା କିରଣ ବେକ, ଶିକ୍ଷାବିତ ଡା ନରେନ୍ଦ୍ର କୁମାର ମିଶ୍ର, ଡା ଦୁଷ୍ମନ୍ତ କୁମାର ମହାନ୍ତି, ସଂସାଧକ ଶ୍ରୀ ନକୁଳ ମୋହନନ୍ଦ, ବରିଷ୍ଠ ରାଜ୍ୟ ସଂଯୋଜକ ପଙ୍କଜ ଗୁପ୍ତା, ରାଜ୍ୟ ସଂଯୋଜିକା କୁମାରି ସ୍ଵର୍ଣନନ୍ଦ ମହାପାତ୍ର, କୁମାରୀ ଶ୍ରୀୟା ସାହାଣୀ, ନିଶାମୁକ୍ତ ଭାରତ ଅଭିଯାନ ନୂଆଦିଲ୍ଲୀ ଯୋଗଦାନ କରିଥିଲେ l ଏହି କାର୍ଯ୍ୟକ୍ରମକୁ ଜିଲ୍ଲାପାଳ ଶ୍ରୀ ମିଶ୍ର ପ୍ରଦୀପ ପ୍ରଜ୍ଜ୍ଵଳନ କରି ନିଜର ବକ୍ତବ୍ୟରେ କହିଲେ ଯେ, ସମାଜରେ ଯେ ପର୍ଯ୍ୟନ୍ତ ନିଶା ମୁକ୍ତ ହୋଇନାହିଁ ସେ ପର୍ଯ୍ୟନ୍ତ ଆଗକୁ ବଢ଼ିପରିବା ନାହିଁ l ଏଥି ପାଇଁ ଯୁବବର୍ଗର ନିହାତି ସଚେତନତା ଆବଶ୍ୟକ ରହିଛି l ସ୍ବେଚ୍ଛାସେବୀ ମାନେ ତାଲିମ ଗ୍ରହଣ କରି ସମର୍ପିତ ହୋଇ କାର୍ଯ୍ୟ କରିବା ଦରକାର l ସେହିପରି ଶିକ୍ଷାବିତ ଡା ନରେନ୍ଦ୍ର କୁମାର ମିଶ୍ର ନିଜର ବକ୍ତବ୍ୟରେ କହିଲେ ଯେ, ଆଦିବାସୀ ଅଞ୍ଚଳରେ ସ୍ବେଚ୍ଛାସେବୀ ମାନେ ସଠିକ ଭାବେ କାର୍ଯ୍ୟ କଲେ ନିଶାମୁକ୍ତ ହୋଇପାରିବ l ଗ୍ରାମାଞ୍ଚଳରେ ପଥପ୍ରାନ୍ତ ନାଟକ ଓ ସଙ୍ଗୀତ ନାଟକ ମାଧ୍ୟମରେ ସଚେତନ କଲେ ନିଷମୁକ୍ତ ହୋଇପାରିବ ବୋଲି ଦୃଢ଼କ୍ତିର ସହ ପ୍ରକାଶ କରିଥିଲେ l ସେହିପରି ଅନ୍ୟତମ ବକ୍ତା ଶିକ୍ଷାବିତ ଡା ଦୁଷ୍ମନ୍ତ କୁମାର ମହାନ୍ତି ନିଜର ବକ୍ତବ୍ୟରେ କହିଲେ ଯେ, ନିଶାମୁକ୍ତ ଭାରତ ଏକ ସୁନ୍ଦର ପରିକଳ୍ପନା ଯୋଜନା ଯାହା ଆଜିର ସମାଜରେ ପୂର୍ଣ୍ଣ ଆବଶ୍ୟକତା ରହିଛି l ଏହାକୁ ଜନସଚେତନତା ମାଧ୍ୟମରେ ନିଶା ସେବନକୁ ରୋକିପାରିବ l ଏହି କ୍ଷେତ୍ରରେ ସ୍ବେଚ୍ଛାସେବୀ ମାନେ ସଙ୍କଳ୍ପବଦ୍ଧ ଭାବେ ନିଜର କର୍ତବ୍ୟ ସମ୍ପାଦନା କରିବା ଆବଶ୍ୟକ ବୋଲି ସେ ମତ ବ୍ୟକ୍ତ କରିଥିଲେ l ରାଜ୍ୟସ୍ତରୀୟ ସଂଶୋଧକ ମାନେ ଉପସ୍ଥିତ ସ୍ୱେଚ୍ଛାସେବୀ ମାଙ୍କୁ ତାଲିମ ପ୍ରଦାନ କରିଥିଲେ l ଏହି ଆଲୋଚନାରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଭିକ୍ତରିଆ କୁଲୁ, ଉପଖଣ୍ଡ ସାମାଜିକ ଅଧିକାରୀ ରାୟଗଡ ଶ୍ରୀ ଶ୍ରୀକାନ୍ତ ପାଣିଗ୍ରାହୀ ଓ ଗୁଣପୁର, ଏଲ ସଂନ୍ତୋଷ କୁମାର ପ୍ରମୁଖ ଯୋଗଦାନ କରିଥିଲେ l