ମାହାଙ୍ଗା : ମାହାଙ୍ଗା ବ୍ଲକ କୁହୁଣ୍ଡା ପଞ୍ଚାୟତ ଅନ୍ତର୍ଗତ କୋଠପଦା ବଜାରରୁ ଗତ ଶୁକ୍ରବାର ରାତିରେ ଏକ ଗ୍ରୋସରୀ ଦୋକାନରୁ ବହୁ ସାମଗ୍ରୀ ଚୋରୀ ଯିବା ନେଇ ମାହାଙ୍ଗା ଥାନାରେ ଅଭିଯୋଗ ହୋଇଛି । କୋଠପଦା ହାଇସ୍କୁଲ ସାମ୍ନାରେ ସ୍ଥାନୀୟ କୁହୁଣ୍ଡା ଗ୍ରାମର ଅଜୟ ନାୟକଙ୍କ ତେଜରାତି ଦୋକାନ ରହିଛି । ଲୁଟେରାମାନେ ଅଜୟଙ୍କ ଦୋକାନ ଘର ଭାଙ୍ଗି ଖାଇବା ତେଲ, ଅମୁଲ, ସାବୁନ, ସର୍ଫ, ନଗଦ ଟଙ୍କା ସହ ଅନ୍ୟାନ୍ୟ ବହୁ ସାମଗ୍ରୀ ଚୋରେଇ ନେବାରେ ସଫଳ ହେବା କୁହାଯାଉଛି ।
ଏ ନେଇ ମାହାଙ୍ଗା ଥାନାରେ ଏତଲା ଦିଆଯିବା ପରେ ଆଇଆଇସି ନିହାର ରଞ୍ଜନ ମହାନ୍ତିଙ୍କ ନିର୍ଦ୍ଦେଶ କ୍ରମେ ପୋଲିସ ଘଟଣାସ୍ଥଳୀରେ ପହଂଚି ତଦନ୍ତ ଆରମ୍ଭ କରିବା ଦେଖିବାକୁ ମିଳିଛି । ତେବେ ଏହି ବଜାରରେ ରାତ୍ର କାଳୀନ ପୋଲିସ ପ୍ରଶାସନ ତରଫରୁ ପେଟ୍ରୋଲିଙ୍ଗ ବ୍ୟବସ୍ଥା ପାଇଁ ସାଧାରଣରେ ଦାବୀ ହୋଇଛି ।