ଉପଯୁକ୍ତ ପ୍ରାର୍ଥୀଙ୍କୁ ଭୋଟ ଦେବାକୁ ଭୋଟରଙ୍କୁ ବୁଝାଉଛନ୍ତି ସମିତି ସଭ୍ୟ ପ୍ରାର୍ଥୀ ଶାନ୍ତା ଦାସ
ବାଲେଶ୍ୱର/ରେମୁଣା- ତ୍ରିସ୍ତରୀୟ ପଞ୍ଚାୟତ ନିର୍ବାଚନ ତାରିଖ ପାଖେଇ ଆସୁଥିବା ବେଳେ ବିଜେଡି ସମର୍ଥିତ ପ୍ରାର୍ଥୀ ମାନେ ଏଠାରେ ପ୍ରଚାରକୁ ଜୋରଦାର କରିଛନ୍ତି I ଜିଲ୍ଲା ପରିଷଦ, ସମିତି ସଭ୍ୟ ଏବଂ ସରପଞ୍ଚ ପ୍ରାର୍ଥୀମାନେ ପଞ୍ଚାୟତ ଅଧିନସ୍ଥ ସମସ୍ତ 18ଟି ୱାଡର ଘରକୁ ଘର ବୁଲି ବିଜୁ ଜନତା ଦଳ ଏବଂ ସମର୍ଥିତ ପ୍ରାର୍ଥୀଙ୍କୁ ଭୋଟ ଦେବାପାଇଁ ଲୋକଙ୍କୁ ବୁଝାଉଥିବା ଦେଖିବାକୁ ମିଳୁଛି I ରାଜ୍ୟ ବର୍ତ୍ତମାନ ପ୍ରଗତି ପଥରେ ଆଗକୁ ବଢୁଥିବା ବେଳେ ବରୁଣସିଂ ପଞ୍ଚାୟତ ଏହି ଧାରାରେ ସାମିଲ ହୋଇ ଏ ଅଞ୍ଚଳର ସବୁଠୁ ସୁନ୍ଦର ପଞ୍ଚାୟତ ଭାବେ ଗଢି ତୋଳିବାକୁ ସମସ୍ତ ପଞ୍ଚାୟତବାସୀ ଏକାଠି ହେବାକୁ ପ୍ରାର୍ଥୀମାନେ ଲୋକଙ୍କୁ ବାର୍ତ୍ତା ଦେଉଛନ୍ତି I ଅଞ୍ଚଳର ଶିକ୍ଷିତ ସମିତି ସଭ୍ୟ ପ୍ରାର୍ଥୀ ଶ୍ରୀମତୀ ଶାନ୍ତା ଦାସଙ୍କ ମାର୍ଜିତ ବ୍ୟବହାର ଏବଂ ଏ ଅଞ୍ଚଳ ପାଇଁ କିଛି କରିବାର ଉତ୍କଣ୍ଠା ଅଞ୍ଚଳବାସୀଙ୍କୁ ବେଶ ପ୍ରଭାବିତ କରୁଥିବା ପରିଲକ୍ଷିତ ହେଉଛି I
ପୂର୍ବରୁ ଏ ଅଞ୍ଚଳର ନିର୍ବାଚିତ ପ୍ରତିନିଧି ମାନେ ଏଇ ଅଞ୍ଚଳବାସୀଙ୍କୁ ଯେଉଁଭଳି ଭାବେ ପ୍ରତାରିତ କରିଛନ୍ତି ତାହାକୁ ଉଚିତ ଜବାବ ଦେବାପାଇଁ ଏବଂ ଏ ଅଞ୍ଚଳର ଅଧୁରା କାମକୁ ପୂରା କରିବା ପାଇଁ ଶିକ୍ଷିତ, ଦାୟିତ୍ୱସମ୍ପର୍ଣ୍ଣ ଏବଂ ଲୋକଙ୍କ ସୁଖ ଦୁଃଖ ବୁଝୁଥିବା ଭଲ ପ୍ରାର୍ଥୀଙ୍କୁ ଭୋଟ ଦେବା ପାଇଁ ଶ୍ରୀମତୀ ଦାସ ଲୋକଙ୍କୁ ବୁଝାଉଛନ୍ତି I କାହାରି ମିଥ୍ୟା ପ୍ରଲୋଭନ କିମ୍ବା ଅର୍ଥ ଲାଳସାର ବଶବର୍ତ୍ତୀ ନହୋଇ ନିଜ ବିବେକ ଅନୁସାରେ ନିଜ ମୂଲ୍ୟବାନ ଭୋଟକୁ ଉପଯୁକ୍ତ ପ୍ରାର୍ଥୀଙ୍କୁ ଦେବାପାଇଁ ଶ୍ରୀମତୀ ଦାସ ଲୋକଙ୍କୁ ବୁଝାଉଥିବା ପରିଲକ୍ଷିତ ହେଉଛି I ବିଭିନ୍ନ ସରକାରୀ ଯୋଜନା ଏଠାକୁ ଆସିବାରେ ପ୍ରତିବନ୍ଧକ ସୃଷ୍ଟି କରିଥିବା ବ୍ୟକ୍ତିକୁ ଚଳିତ ନିର୍ବାଚନରେ ଉଚିତ ଜବାବ ଦେବାର ସମୟ ଆସିଛ I କମ କଥା ସହିତ କାମକୁ ଅଧିକ ଗୁରୁତ୍ୱ ଦେଉଥିବା, ଉପଯୁକ୍ତ ବ୍ୟକ୍ତିତ୍ୱ, ଗୁଣ ଏବଂ ଯୋଗ୍ୟତା ଥିବା ପ୍ରାର୍ଥୀଙ୍କୁ ଭୋଟ ଦେବା ପାଇଁ ଶ୍ରୀମତୀ ଦାସ ଲୋକଙ୍କୁ ବୁଝାଉଛନ୍ତି I ଶିକ୍ଷିତ ପ୍ରାର୍ଥୀଙ୍କ ଡିଜିଟାଲ ପ୍ରଚାର ସାଙ୍ଗକୁ ଭୋଟ ସମ୍ପର୍କିତ ସଚେତନତା ବାର୍ତ୍ତାକୁ ଜନସାଧାରଣ ବେଶ ପସନ୍ଦ କରୁଛନ୍ତି I
