ପୁରୀ: ଜିଲ୍ଲାରେ ଆରମ୍ଭ ହୋଇଛି ପଞ୍ଚାୟତ ନିର୍ବାଚନ ମତଦାନ । ପ୍ରଥମ ପର୍ଯ୍ୟାୟରେ ୭୬.୩୨ ପ୍ରତିଶତ ମତଦାନ କରିଛନ୍ତି ମତଦାତା । ଜିଲ୍ଲାର କୃଷ୍ଣପ୍ରସାଦ, ବ୍ରହ୍ମଗିରି ଓ କଣାସ ବ୍ଲକରେ ୩୦୮୨୪୧ ଜଣ ମତଦାତାଙ୍କ ମଧ୍ୟରୁ ୭୬.୩୨ ପ୍ରତିଶତ ମତଦାନ ହୋଇଛି । ତିନୋଟି ବ୍ଲକର ୭୪ଟି ପଞ୍ଚାୟତରେ ୨୪୨ ଜଣ ସରପଞ୍ଚ, ୨୦୭ ଜଣ ସମିତି ସଭ୍ୟ, ୧୭୬୬ ଜଣ ୱାର୍ଡମେମ୍ବର ଏବଂ ୮ଟି ଜିଲ୍ଲାପରିଷଦ ଜୋନରେ ୪୪ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ ହେବ । ଏହି ପର୍ଯ୍ୟାୟରେ କୃଷ୍ଣପ୍ରସାଦ ବ୍ଲକରେ ୭୩୫୯୨ ଜଣ ଭୋଟରଙ୍କ ମଧ୍ୟରୁ ୭୮ ପ୍ରତିଶତ, ବ୍ରହ୍ମଗିରିରେ ୧୧୫୩୧୨ ଜଣ ଭୋଟରଙ୍କ ମଧ୍ୟରୁ ୭୯.୯୬ ପ୍ରତିଶତ ଏବଂ କଣାସର ୧୧୯୩୩୭ ଭୋଟରଙ୍କ ମଧ୍ୟରୁ ୭୧ ପ୍ରତିଶତ ମତଦାତା ମତାଧିକାର ସାବ୍ୟସ୍ତ କରିଛନ୍ତି ।