ଅସ୍ତରଙ୍ଗ(ଦୁଃଶାସନ ନାୟକ) : ପଞ୍ଚାୟତ ନିର୍ବାଚନର ଶେଷ ପର୍ଯାୟରେ ଶୁକ୍ରବାର ଦିନ ଅସ୍ତରଙ୍ଗ ବ୍ଲକର ସମିତିସଭ୍ୟ ପ୍ରାର୍ଥୀ ଭାବେ 4 ଜଣ ପ୍ରାର୍ଥୀପତ୍ର ଦାଖଲ କରିଥିବା ବେଳେ ତାମଧ୍ୟରୁ 2ଜଣଙ୍କୁ ଚର୍ଚ୍ଚିତ ଚେହେରା ଭାବେ ଦେଖିବାକୁ ମିଳିଅଛି । ଜଣେ ହେଉଛନ୍ତି ପୁରିଜିଲ୍ଲା ଜିଲ୍ଲା ପରିଷଦର ପୂର୍ବତନ ସଭ୍ୟା ଅଙ୍କିତା ସେନାପତିଙ୍କ ସ୍ୱାମୀ ତଥା ଯୁବ ସମାଜସେବୀ ଜିତେନ୍ଦ୍ର କୁମାର ନାୟକ ଓ ଅନ୍ୟ ଜଣେ ହେଉଛନ୍ତି ଅସ୍ତରଙ୍ଗ ବ୍ଲକର ଅଧ୍ୟକ୍ଷ ସ୍ୱାଧୀନ କୁମାର ନାୟକଙ୍କ ସହଧର୍ମିଣୀ ତଥା ପୂର୍ବତନ ମନ୍ତ୍ରୀ ସୁରେନ୍ଦ୍ରନାଥ ନୟକ ଙ୍କ ବୋହୁ ନିବେଦିତା ନୟକ । ଶ୍ରୀମତୀ ନିବେଦିତା ଅସ୍ତରଙ୍ଗ ବ୍ଲକର ଆଳଙ୍ଗପୁର ଗ୍ରାମପଂଞ୍ଚାୟତରୁ ସମିତି ସଭ୍ୟା ପାଇଁ ପ୍ରତିଦ୍ବନ୍ଦ୍ବିତା କରୁଥିବା ବେଳେ, ଜିତେନ୍ଦ୍ର ତଥା ଜୁବୁଲି ବାବୁ ଛୁରିଅନା ଗ୍ରାମପଞ୍ଚାୟତ ର ସମିତି ସଭ୍ୟ ପାଇଁ ପ୍ରତିଦ୍ୱନ୍ଦିତା କରୁଥିବା ଜଣା ପଡ଼ୁଛି । ଉଭୟ ପ୍ରାର୍ଥୀ କୋଭିଡ କଟକଣା ମଧ୍ୟରେ ବ୍ଲକ ନିର୍ବାଚନ ଅଧିକାରୀ ତଥା ବିଡ଼ିଓ ଙ୍କ ନିକଟରେ ପ୍ରସ୍ତାବକ ଓ ସମର୍ଥକଙ୍କୁ ଧରି ସେମାନଙ୍କର ପ୍ରାର୍ଥୀପାତ୍ର ଦାଖଲ କରିଥିଲେ ।