ନିଶ୍ଚିନ୍ତକୋଇଲି (ଦେବେନ୍ଦ୍ର ଷଡ଼ଙ୍ଗୀ) : ନିଶ୍ଚିନ୍ତକୋଇଲି ବ୍ଲକ ର ସମସ୍ତ ପଂଚାୟତ ମଧ୍ୟରେ ଦାଉଦପୁର ଗ୍ରାମ ପଞ୍ଚାୟତ ରେ ବିଜୁ ଜନତା ଦଳ ସବୁଠାରୁ ଅଧିକ ଭୋଟ ରେ ବିଜୟ ଲାଭ କରି ରେକର୍ଡ ସୃଷ୍ଟି କରିଥିଲା । ଯେଉଁଥିପାଇଁ ଏହି ପଂଚାୟତ ନିଶ୍ଚିନ୍ତକୋଇଲି ବ୍ଲକ ଅଞ୍ଚଳରେ ବିଜେଡି ପାଇଁ ଅଧିକରୁ ଅଧିକ ସୁନାମ ଅର୍ଜନ କରିପାରିଥିଲା । ଆଉ ସୁନାମ ଅର୍ଜନ ପଂଚାୟତର ସରପଞ୍ଚ ଭାବେ ଆଜି ପୂର୍ବତନ ସରପଞ୍ଚଙ୍କ ପ୍ରତିନିଧି ସନ୍ତୋଷ କୁମାର ମହାନ୍ତି ସରପଞ୍ଚ ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କରିଛନ୍ତି । ଶ୍ରୀ ମହାନ୍ତି ମାଆ ଠାକୁରାଣୀଙ୍କ କୃପା ଲାଭ କରିବା ପରେ ଗ୍ରାମବାସୀ ଦୃଢ ସମର୍ଥନ ଓ ଭଲପାଇବା କୁ ଆଦରି ଦାଉଦପୁର ପଂଚାୟତ କାର୍ଯ୍ୟାଳୟ ପରିସରରେ ସରପଞ୍ଚ ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କରିଥିଲେ । ଶ୍ରୀ ମହାନ୍ତି ନାମାଙ୍କନ ପତ୍ର ଦାଖଲ କରିବା ପରେ ଦାଉଦପୁର ପଂଚାୟତ ହେଉଛି ମୋ ପରିଚୟ , ଏଠି ସକାଳୁ ରାତି ପାହିଲେ ସମସ୍ତ ଜନସାଧରଣଙ୍କ ସେବା ମୋର ପ୍ରଥମ କର୍ତ୍ତବ୍ୟ ବୋଲି ପ୍ରକାଶ କରିଥିଲେ । ମନ୍ତ୍ରୀ ପ୍ରତାପ ଜେନାଙ୍କ ସହ ରହି ଏବେ କାମ କରୁଛି ଆଗାମୀ ଦିନରେ କରିବୁ ବୋଲି ଶ୍ରୀ ମହାନ୍ତି କହିଥିଲେ । ଅପରପକ୍ଷରେ ଶ୍ରୀ ମହାନ୍ତି ସରପଞ୍ଚ ଭାବେ ପ୍ରାର୍ଥୀପତ୍ର ଦାଖଲ କରିଥିବା ରୁ ସମସ୍ତ ଦାଉଦପୁର ଗ୍ରାମ ପଞ୍ଚାୟତ ବାସୀ, ପୂର୍ବତନ ଜିଲ୍ଲା ପରିଷଦ ସଭ୍ୟ ହିମାଂଶୁ ଶେଖର ମହାନ୍ତି ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି । ତେବେ ଏହି ପଂଚାୟତରେ ଲୋକମାନଙ୍କ ସମର୍ଥନ ଶ୍ରୀ ମହାନ୍ତି ଙ୍କ ପ୍ରତି ରହିଥିବାରୁ ବହୁ ସଂଖ୍ୟାରେ ବିଜୟ ଲାଭ କରିବେ ବୋଲି ସାଧାରଣରେ କୁହାଯାଇଛି ।