ନିଶ୍ଚିନ୍ତକୋଇଲି/ ଦେବେନ୍ଦ୍ର ଷଡ଼ଙ୍ଗୀ :- ମନ୍ତ୍ରୀ ପ୍ରତାପ ଜେନାଙ୍କ ଦୃଢ ସମର୍ଥନ ରେ ନିଶ୍ଚିନ୍ତକୋଇଲି ବ୍ଲକ ଝାଡେଶ୍ୱରପୁର ଗ୍ରାମ ପଞ୍ଚାୟତ ର ସରପଞ୍ଚ ପ୍ରାର୍ଥୀ ଭାବେ ଯୁବନେତା ଅନିଲ କୁମାର ଦଳାଇ ଏବଂ ସମିତି ସଭ୍ୟା ପ୍ରାର୍ଥୀନୀ ଭାବେ ପୁଷ୍ପଲତା ଦାସ ନାମାଙ୍କନ ପତ୍ର ଦାଖଲ କରିଛନ୍ତି । ଶ୍ରୀ ଦଳାଇ ଗଦେଇ ମା ଠାକୁରାଣୀ , ସରେଶ୍ୱର ମହାଦେବଙ୍କ ଆଶୀର୍ବାଦ ଲାଭ କଲାପରେ ସ୍ଥାନୀୟ ଅଞ୍ଚଳର ବୃଦ୍ଧ, ବୃଦ୍ଧା,ସମାଜସେବୀ, ଗ୍ରାମବାସୀଙ୍କ ସ୍ନେହ ଓ ଭଲପାଇବା କୁ ଆଦରି ସରପଞ୍ଚ ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କରିଥିଲେ । ସେହିପରି ଭାବେ ନିଶ୍ଚିନ୍ତକୋଇଲି ବ୍ଲକ କାର୍ଯ୍ୟାଳୟରେ ସମିତିସଭ୍ୟା ପ୍ରାଥିନି ଭାବେ ପୂର୍ବତନ ସମିତିସଭ୍ୟ ଆନନ୍ଦ ଦାସଙ୍କ ଧର୍ମପତ୍ନୀ ପୁଷ୍ପଲତା ଦାସ ନାମାଙ୍କନ ପତ୍ର ଦାଖଲ କରିଥିଲେ । ସ୍ଥାନୀୟ ଗ୍ରାମବାସୀଙ୍କ ଦୃଢ ଭଲପାଇବା ଶ୍ରୀ ଦଳାଇ ଓ ଶ୍ରୀମତୀ ଦାସଙ୍କ ଉପରେ ରହିଥିବାରୁ ଆଗାମୀ ଦିନରେ ସରପଞ୍ଚ ଏବଂ ସମିତିସଭ୍ୟା ଭାବେ ବହୁ ସଂଖ୍ୟାରେ ବିଜୟ ଲାଭ କରି ଆଗାମୀ ଦିନରେ ଲୋକମାନଙ୍କ ସେବା କରିବା ପାଇଁ ସୁଯୋଗ ପାଇବେ ବୋଲି ସାଧାରଣରେ କୁହାଯାଇଛି । ମନ୍ତ୍ରୀ ପ୍ରତାପ ଜେନାଙ୍କ ସମର୍ଥନ ରେ ଏହା ସମ୍ଭବ ହୋଇପାରିଥିବରୁ ଶ୍ରୀ ଦଳାଇ ଓ ଶ୍ରୀମତୀ ଦାସ ମନ୍ତ୍ରୀ ଶ୍ରୀ ଜେନାଙ୍କୁ ଗଭୀର କୃତଜ୍ଞତା ଜଣାଇଛନ୍ତି । ସେହିପରି ଭାବେ ସରପଞ୍ଚ ସୁଜାତା ଦାସ, ସମାଜସେବୀ ବିଭୁତିଭୁଷଣ ଦାସ, ସମିତିସଭ୍ୟ ପ୍ରାର୍ଥୀ ଆନନ୍ଦ ଦାସ,ବରିଷ୍ଠ ନେତା ସୁକଦେଵ ସେଠୀ ଙ୍କ ସମେତ ସ୍ଥାନୀୟ ଗ୍ରାମବସୀମାନେ ସରପଞ୍ଚ ପ୍ରାର୍ଥୀ ଭାବେ ଅନିଲ କୁମାର ଦଳାଇ ଓ ସମିତି ସଭ୍ୟା ପ୍ରାଥିନି ଭାବେ ପୁଷ୍ପଲତା ଦାସଙ୍କୁ ଅଭିନନ୍ଦନ ଓ ଶୁଭେଛା ଜଣାଇଛନ୍ତି ।