ବଡ଼ଚଣା ରୁ ପ୍ରଫୁଲ୍ଲ କୁମାର ସାହୁ : ବଡ଼ଚଣା ବ୍ଲକ ଅନ୍ତର୍ଗତ ସିହା ପଂଚାୟତର୍ କୋଚିଳା ଗାଡ଼ିଆ ମୌଜାରେ ଦୀର୍ଘ ଦିନ ଧରି ଏକ ଓମ୍ ସାଇ ରିଫାଇନାରି ନାମରେ ପୋଡା ମୋବିଲ କାରଖାନା ଚାଲୁଅଛି | ଏହାଦ୍ୱାରା କାରଖାନା ଆଖପାଖରେ ଥିବା ଜନବସତି ଉପରେ ଗୁରୁତର ପ୍ରଭାବ ପକାଉଛି ବୋଲି ଲୋକ ଅଭିଯୋଗ କରୁଛନ୍ତି | ଏହି କାରଖାନା ବିନା ଅନୁମତିରେ ଦିନରାତି ଚାଲୁଥିବା ନେଇ ଲୋକ ଅଭିଯୋଗ କରିବା ସହ ଉକ୍ତ କାରଖାନାରୁ ନିର୍ଗତ ହେଉଥିବା ଅଙ୍ଗାର୍ କାମ୍ଲ ଗ୍ୟାସ ଜନବସତି ଉପରେ ପ୍ରତିକୂଳ ପ୍ରଭାବ ପକାଉଛି | ହେଲେ ସ୍ଥାନୀୟ ପ୍ରଶାସନ ନିଦା ବିଷ୍ଣୁ ସାଜିଥିବା ସାଧାରଣରେ ଆଲୋଚନା ହେଉଛି | ରାତିରେ ସେଠାରେ କିଛି ବେଆଇନ କାମ ହେଉଥିବା ଆଶଙ୍କାକୁ ମଧ୍ୟ ଏଡାଇଦିଆଯାଇନପାରେ | ଉକ୍ତ କାରଖାନା ଠାରୁ ମାତ୍ର କିଛି ଦୂରରେ ଜନବସତି ଥିଲେ ମଧ୍ୟ,କାରଖାନା କର୍ତ୍ତୃପକ୍ଷ ଆଖିବୁଜି ବେଖାତିର ଭାବେ କାରଖାନା ଚଳାଇବାକୁ ଅଲିଖିତ ସମ୍ମତି ଦେଇଥିବା ଚର୍ଚା ହେଉଛି |ଏ ଦିଗରେ ସବିଶେଷ ତଦନ୍ତ କଲେ ପ୍ରକୃତ ସତ୍ୟ ପଦାକୁ ଅସିବ ବୋଲି ଆଲୋଚନା ହେଉଛି |
