ବରଗଡ :- ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ପ୍ରାର୍ଥୀ ପତ୍ର ଦାଖଲ କରିବାର ଆଜି ଦ୍ଵିତୀୟ ଦିନ । ଆଜି ଦ୍ଵିତୀୟ ଦିନ ସୁଦ୍ଧା ପାଇକମାଲ ବ୍ଲକର ବିଭିନ୍ନ ପଞ୍ଚାୟତ ରେ ସମୁଦାୟ ପନ୍ଦର ଜଣ ୱାର୍ଡ ସଭ୍ୟ ପାଇଁ ମାଣ୍ଡୋସିଲ ପଞ୍ଚାୟତ ରୁ ଜଣେ ସମିତି ସଭ୍ୟ ପାଇଁ , ବୁକୁରାମୁଣ୍ଡା , ପଲସଦା ଓ ମାଣ୍ଡିଆଢ଼ିପା ପଞ୍ଚାୟତ ରୁ ଜଣେ ଲେଖାଏ ସରପଞ୍ଚ ପଦବୀ ପାଇଁ ନିଜ ନିଜ ପ୍ରାର୍ଥୀ ପତ୍ର ଦାଖଲ କରିଛନ୍ତି ।
ସେହି ଭଳି ଝରବନ୍ଧ ପଞ୍ଚାୟତ ସମିତି ଅଂଚଳରେ ସମୁଦାୟ ୩୩ ଜଣ ୱାର୍ଡ ସଭ୍ୟ ପାଇଁ ନାମାଙ୍କନ ଦାଖଲ କରିଥିବା ଜଣା ପଡ଼ିଛି । ଝରବନ୍ଧ ରେ ଗତକାଲି କିମ୍ବା ଆଜି ସରପଂଚ , ସମିତି ସଭ୍ୟ କିମ୍ବା ଜିଲ୍ଲା ପରିଷଦ ସଭ୍ୟ ପାଇଁ କେହି ନାମାଙ୍କନ ପତ୍ର ଦାଖଲ କରିନଥିବା ସୂଚନା ମିଳିଛି ।