ବାସୁଦେବପୁର/ପ୍ରତାପ ପାଢୀ- ବାସୁଦେବପୁର ସ୍ଥିତ ବେତ ଡ଼ା ପଞ୍ଚାୟତ ସରକାରୀ ଉଚ୍ଚ ବିଦ୍ୟାଳୟ ପରିସର ରେ ବାସୁଦେବପୁର ଗାନ୍ଧୀ ସଂଗ୍ରାମୀ ଗୌରାଙ୍ଗ ଚନ୍ଦ୍ର ମହାନ୍ତି ସ୍ମୃତି ସଂସଦ ପକ୍ଷରୁ ସ୍ମୃତି ସଭା ଓ ବାର୍ଷିକ ଶ୍ରାଦ୍ଧ ଉତ୍ସବ ପାଳନ କରାଯାଇଛି। ସକାଳ ନ ଘଟିକା ସମୟ ରେ ସଂଗ୍ରାମୀ ଗୌରାଙ୍ଗ ଚନ୍ଦ୍ର ମହାନ୍ତି ପ୍ରତୀମୃତି ରେ ଶ୍ରଦ୍ଧା ସୁମନ ଅର୍ପଣ କରାଯାଇ ସ୍ମୃତି ସଂସଦ ର ସଭାପତି ଶ୍ରୀଯୁକ୍ତ ପୂର୍ଣ୍ଣ ଚନ୍ଦ୍ର ପରିଡା ପତାକା ଉତ୍ତୋଳନ କରିଥିଲେ। ଏହି ଅବସର ରେ ଅନୁଷ୍ଟିତ ସ୍ମୃତି ସଭାରେ ଶିକ୍ଷକ ଶ୍ରୀଯୁକ୍ତ ଦୈତାରି ବେହେରା ଅତିଥି ମାନଙ୍କୁ ମଞ୍ଚ ଆହ୍ବାନ କରିଥିବା ବେଳେ ଶ୍ରୀଯୁକ୍ତ ପୂର୍ଣ୍ଣ ଚନ୍ଦ୍ର ପରିଡା ସଭାପତିତ୍ବ କରିଥିବା ବେଳେ ଶିକ୍ଷାବିତ୍ ଶ୍ରୀଯୁକ୍ତ ଦୁଃଶାସନ ରାଉତ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ। ଅତିଥି ମାନଙ୍କ ମଧ୍ୟ ରେ ଭାଗିରଥି ମହାନ୍ତି ମୁଖ୍ୟ ବକ୍ତା ଭାବେ ଯୋଗଦେଇ ଥିବା ବେଳେ ଅତିଥି ଭାବେ ବ୍ଲକ୍ ଶିକ୍ଷା ଅଧିକାରୀ ଶ୍ରୀଯୁକ୍ତ ଜଗବନ୍ଧୁ ସାହୁ, ସରପଂଚ ବସନ୍ତ ମଞ୍ଜରୀ ବିଶ୍ବାଳ, ସାଂସଦ ଙ୍କ ପ୍ରତିନିଧି ସୁରେଶ୍ ଚନ୍ଦ୍ର ମହାନ୍ତି, ବିଧାୟକ ଙ୍କ ପ୍ରତିନିଧି ଅସିତ୍ କୁମାର ଦାସ,ଡକ୍ତର ବନମାଳୀ ବେହେରା, ଜିଲ୍ଲା ପରିଷଦ ସଭ୍ୟ ସୂର୍ଯ୍ୟକାନ୍ତ ସେଠୀ, ପ୍ରମୁଖ ଉପସ୍ଥିତ ରହି ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ସମ୍ବର୍ଦ୍ଧନା ର ଆଭିମୁଖ୍ୟ ସମ୍ପର୍କ ରେ ଶ୍ରୀଯୁକ୍ତ ବନମାଳୀ ବାରିକ ରଖିଥିବା ବେଳେ ସମ୍ପାଦକ ଶ୍ରୀଯୁକ୍ତ ପୂର୍ଣ୍ଣ ଚନ୍ଦ୍ର ପାଣିଗ୍ରାହୀ ବାର୍ଷିକ ବିବରଣୀ ପାଠ କରିଥିଲେ। ଏହି ଅବସର ରେ ଯୁଦ୍ଧ ଫେରନ୍ତା ସୈନିକ ଶ୍ରୀଯୁକ୍ତ ଖଗେନ୍ଦ୍ର ପ୍ରସାଦ ରଥ, ବାର୍ଷିକ ହାଇସ୍କୁଲ ଦଶମ ପରୀକ୍ଷା ରେ ବ୍ଲକ୍ ରେ ସର୍ବୋଚ୍ଚ ନମ୍ୱର୍ ରଖିଥିବା ଓମ୍ ପ୍ରକାଶ ପାଣିଗ୍ରାହୀ ଙ୍କ ସମ୍ବର୍ଦ୍ଧିତ କରାଯାଇଥିଲା। ଶ୍ରୀଯୁକ୍ତ ନିତ୍ୟାନନ୍ଦ କର ଧନ୍ୟବାଦ ଅର୍ପଣ କରିଥିଲେ |