ନୂଆପଡାରୁ ଯଶୋବନ୍ତ କୁମାର: ନୂଆପଡା ଜିଲ୍ଲା ଯୋଗାଣ ବିଭାଗରେ କାର୍ଯ୍ୟ କରୁଥିବା ଜୁନିୟର ଏକାଉଟେଣ୍ଡ ଭିଜିଲେନ୍ସ ହାତରେ ଗିରଫ । ଗିରଫ ହୋଇଥିବା ଏକାଉଟେଣ୍ଟ ଙ୍କ ନାମ ତାରା ଚରଣ ପଣ୍ଡା ବୋଲି ଜଣାପଡିଛି । ସୂଚନା ଥାଉକି ସନ୍ଧ୍ୟା ସମୟରେ ନିଜ ବ୍ୟାଗରେ ନଗଦ ୨ ଲକ୍ଷ ୧୬ ହଜାର ଟଙ୍କା ଧରି ୩୫୩ ନମ୍ବର ଜାତୀୟ ରାଜପଥ ଦେଇ ନୀଳଶୈଳ ନଗର ସ୍ଥିତ ନିଜ ଘରକୁ ଯାଉଥିଲେ । କୌଣସି ସୂତ୍ରରୁ ଖବର ପାଇ ଭିଜିଲାନ୍ସ ଡିଏସପି ସତ୍ୟବାନ ମହାନନ୍ଦଙ୍କ ନେତୃତ୍ୱରେ ଏକ ଟିମ ବାହାରି ଚଢାଉ କରି ପଣ୍ଡାଙ୍କୁ କାବୁ କରିଥିଲେ । ୨ ଲକ୍ଷ ୧୬ ହଜାର ଟଙ୍କା ଜବତ କରିବାସହ ପଚରାଉଚୁରା କରିଥିବା ବେଳେ ଶ୍ରୀ ପଣ୍ଡା କୌଣସି ସନ୍ତୋଷଜନକ ଉତ୍ତର ଦେଇନଥିଲେ । ଏହାପରେ ଟଙ୍କା ଜବତ କରି ତାରା ଚରଣ ପଣ୍ଡା ଙ୍କୁ ଅଟକ ଗୀରଫ କରିଥିବା ସୂଚନା ପ୍ରକାଶ ପାଇଛି ।