ପଦ୍ମପୁର(ଶାସକପ୍ରଶାସକ)-ପଦ୍ମପୁର ନିକଟସ୍ଥ କନସିଂହା କ୍ରିକେଟ ଗ୍ରାଉଣ୍ତରେ ପ୍ରଥମ ବୀର ସୁରେନ୍ଦ୍ର ସାଏ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଛି। ଟୁର୍ଣ୍ଣାମେଣ୍ଟ ଗତ ୫ ତାରିଖରେ ଉଦଘାଟିତ ହୋଇଥିଲା।ଫାଇନାଲ ମ୍ୟାଚ କନସିଂହା ଓ ଖପରାଖୋଲ ମଧ୍ୟରେ ହୋଇଥିଲା ।କନସିଂହା ୧୦୩ ରନ କରି ଅଲ ଆଉଟ ହୋଇଥିବା ବେଳେ ଖପରାଖୋଲ ୧୦୪ ରନ କରି ବିଜୟୀ ହୋଇଥିଲା।ମ୍ୟାଚକୁ ହନୁ ଅଗ୍ରୱାଲ,ଅନ୍ତର୍ଯ୍ୟାମୀ ସାହୁ ପରିଚାଲନା କରିଥିଲେ।ସ୍କୋରିଂ ଦାୟିତ୍ବରେ ଦୀପକ ସିଂ ବରିହା ଥିଲେ।ଉଦଘୋଷକ ଭାବରେ ଆନନ୍ଦ ବିଶ୍ବାଳ,ଦିଲ୍ଲୀପ ସାହୁ,ରିଙ୍କୁ ସାହୁ,ପ୍ରମୋଦ ଦାଶ ଥିଲେ।ବଲାଙ୍ଗିର ଜିଲ୍ଲାର ପୁଲିସ ଏସଡିପିଓ ତୋଫାନ ବାଗ, ପଦ୍ମପୁର ଜୀବନ ବିମା ନିଗମ ଡିଓ ନିରଞ୍ଜନ ଦାଶ,ନରେନ୍ଦ୍ର ପ୍ରଧାନ,ଦିବ୍ୟକିଶୋର ପଣ୍ତା,ସମୀର ସ୍ବାଇଁ ମୁଖ୍ୟ ଅତିଥି,ମୁଖ୍ୟବକ୍ତା ଓ ସମ୍ମାନିତ ଅତିଥି ଭାବରେ ଯୋଗଦାନ କରି କ୍ରିକେଟପ୍ରେମୀଙ୍କୁ ଉତ୍ସାହିତ କରିବା ସହ ଉଇନର ଓ ରନର୍ସ ଦଳକୁ ପୁରସ୍କୃତ କରିଥିଲେ ।କନସିଂହା ଗ୍ରାମର ସମସ୍ତ ଯୁବଗୋଷ୍ଠି ସହଯୋଗ କରିଥିଲେ।