ଭଦ୍ରକ,(ସତ୍ୟଭୂଷଣ ସ୍ବାମୀ) : ଭଦ୍ରକ ସହର ତଥା ଆଖପାଖ ଅଞ୍ଚଳରେ ଦୀର୍ଘଦିନ ଧରି ବନ୍ଧୁକ ମୁନରେ ଲୁଟ କରୁଥିବା ଦୁର୍ବୁତ୍ତଙ୍କୁ ଧରିବା ପାଇଁ ପୁଲିସ ଜାଲ ବିଛାଇ ଥିଲା । ଭଦ୍ରକ ନିକଟସ୍ଥ କାଉପୁର ଚଢ଼େୟାରେ କୁଖ୍ୟାତ ଅପରାଧୀ ଟିମ ଲୁଟ ଯୋଜନା କରୁଥିବା ବେଳେ ପୋଲିସ ସେମାନଙ୍କୁ ଧରିବା ପାଇଁ ଯୋଜନା କରିଥିଲା । ଏହି ସମୟରେ କୁଖ୍ୟାତ ଅପରାଧୀ ବାପି ପାଣି ପୋଲିସ ଉପରକୁ ଗୁଳି କରିବା ବେଳେ ପୋଲିସ ଏନକାଉଣ୍ଟର ରେ ବାପିର ଦୁଇ ଗୋଡ଼ରେ ତିନୋଟି ଗୁଳି ବାଜିଥିବା ବେଳେ ସେ ଗୁରୁତର ହୋଇ କଟକ ଡାକ୍ତରଖାନରେ ଭର୍ତ୍ତି ହୋଇଛି । ଏହି ସମୟରେ ତାର ଅନ୍ୟଜଣେ ସହଯୋଗୀ ଓଁମ ପ୍ରକାଶ ମଲ୍ଲିକ ନାମକ ଯୁବକକୁ ମଧ୍ୟ କାବୁ କରିବାରେ ସଫଳ ହୋଇଥିଲା ଭଦ୍ରକ ପୁଲିସ । ଏହି ଚଡ଼ଉ ସମୟରେ ଗ୍ରାମାଞ୍ଚଳ ଥାନାଧିକାରୀ ଆଲୋକ ଜେନା ଓ ଅନ୍ୟ ପୁଲିସ କର୍ମୀମାନେ ଆହତ ହୋଇଥିବା ଖବର ମିଳିଛି । ଏମାନେ ଭଦ୍ରକ ଗ୍ରାମାଞ୍ଚଳ ଥାନା ଅଧିନସ୍ଥ ଗେଲପୁର ନିକଟରେ ଥିବା ଏକ ମେଡ଼ିସିନ ଦୋକାନ ଉପରେ ଅତର୍କିତ ଗୁଳି କରି ଟଙ୍କା ଓ ମୋବାଇଲ ନେଇ ଫେରାର ହୋଇଯାଇଥିଲେ ,ପୁଣି ସ୍ଥାନୀୟ ଅଞ୍ଚଳର ଜଣେ ମହିଳାଙ୍କ ଘରେ ପଶି ତାଙ୍କୁ ଆକ୍ରମଣ କରିବା ସହିତ ତାଙ୍କ ମୁଣ୍ଡରେ ବନ୍ଧୁକ ରଖି ୫ ଭରି ସୁନା ଲୁଟି ନେଇଥିଲେ। ଏହି ଘଟଣାର ଭଦ୍ରକ ପୁଲିସ ତନାଘନା କରୁଥିବା ବେଳେ ଆଜି ସେମାନଙ୍କ ସୁରାଗ ପାଇଥିଲା । ଆଉ ଦୁର୍ବୁତ୍ତ ମାନଙ୍କ ଧରିବାରେ ସଫଳ ହୋଇଛି। ପୁଲିସ ସେମାନଙ୍କ ଠାରୁ ବନ୍ଧୁକ, ମୋବାଇଲ, ମୋଟରସେକେଲ, ଟଙ୍କା ସହିତ ଅନେକ ମାରଣାସ୍ତ୍ର ଜବତ କରିଥିବା ଅତିରିକ୍ତ ଏସପି ଯତୀନ ପଣ୍ଡା ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ସୂଚନା ଦେଇଛନ୍ତି।