ଡୁବୁରୀ : (ସନାତନ ମହାନ୍ତ) - ଦାନଗଦୀ ବ୍ଲକ୍ ଅର୍ନ୍ତଗତ ନଡିଆଭଙ୍ଗା ଗ୍ରା:ପ ରଙ୍ଗାହୁଡି ଗ୍ରାମର ରଥୁ ମହାନ୍ତଙ୍କ ବଡସ୍ତ୍ରୀ ବୁଦୁନି ମହାନ୍ତ (୩୫)ଙ୍କ ଆଜି ଦିନ ୨ଘଟିକା ସମୟରେ ବଜ୍ରାଘାତରେ ମୃତ୍ୟୁବରଣ ହୋଇଛି । ରଥୁ ମହାନ୍ତଙ୍କ ସ୍ତ୍ରୀ ବୁଦୁନି ମହାନ୍ତଙ୍କ ବାପଘର ଗୋଡିସାହିରେ । ବିଲକାମ କରିବାକୁ ସେ ବାପଘରକୁ ଯାଇଥିଲେ | ଆଜି ବିଲରେ କାମ କରୁଥିବା ମୁଲିଆଙ୍କ ଖାଇବାନେଇ ଯାଉଥିବାବେଳେ ହଠାତ୍ ବଜ୍ରାଘାତ ମାରିଥିଲା । ସେହି ସ୍ଥାନରେହିଁ ସେ ମୃତ୍ୟୁ ବରଣ କରିଥିଲେ । ରଥୁ ମହାନ୍ତଙ୍କର ସାନ ସ୍ତ୍ରୀ ଜେମାମଣି ମହାନ୍ତ , ତାଙ୍କର ୨ଟି ପୁଅ ଅଛନ୍ତି । ବଡପୁଅ ଅଭୟ ମହାନ୍ତ (୮) ଓ ସାନପୁଅ ଓମପ୍ରକାଶ ମହନ୍ତ (୩ ମାସ) । ବଡସ୍ତ୍ରୀର ଛୁଆପିଲା ନହେବାରୁ ସେ ୨ୟ ବିବାହ କରିଥିଲା ।
