ପୁରୀ (ଶାସକ ପ୍ରଶାସକ)ଜଣେ ଶୃଙ୍ଖଳିତ ତଥା ଦାୟିତ୍ୱସଂପନ୍ନ ଅଧିକାରୀ ଭାବେ ଜଣାଶୁଣା ବରିଷ୍ଠ ଆଇଏଏସ ଅଫିସର ଶ୍ରୀମନ୍ଦିର ମୁଖ୍ୟ ପ୍ରଶାସକ ଡ଼ କ୍ରିଷନ କୁମାର ଶୃଙ୍ଖଳିତ ରଥଯାତ୍ରା ସମ୍ପନ୍ନ କରାଇବାରେ ନିଜ ଉତ୍ତର ଦାୟିତ୍ୱର କଷଟୀ ପଥରରେ ସଫଳ ପ୍ରମାଣିତ ହୋଇଛନ୍ତି | ରଥଯାତ୍ରା ସମଗ୍ର ପ୍ରକ୍ରିୟା ଅବଧିରେ ନିଜ ଦାୟିତ୍ୱକୁ ଜଗନ୍ନାଥଙ୍କ ପାଖରେ ସମ୍ପୂର୍ଣ୍ଣ ସମର୍ପଣ ଭାବରେ ସମ୍ପନ୍ନ କରିଛନ୍ତି ଡ଼ କୁମାର | ଭାବର ଠାକୁର ଭାବ ବିନୋଦିଆ ମହାପ୍ରଭୁଙ୍କ ପାଖରେ ଭକ୍ତି ଓ ସମର୍ପଣର ସହିତ ସମ୍ପାଦିତ କରିବାପୁଣି ଦେଖିବାକୁ ମିଳିଥିଲା ଶ୍ରୀଜୀଉଙ୍କ ବାହୁଡା ସମୟରେ | ଜଣେ ଅଫିସର ଭାବେ ନୁହେ, ଜଣେ ଶ୍ରଦ୍ଧାଳୁ ଭକ୍ତ ଭାବେ ନିଜ କାର୍ଯ୍ୟ କରୁଥିବା ଦେଖିବାକୁ ମିଳୁଥିଲା ଗତକାଲି ଶ୍ରୀଜିଉଙ୍କ ବାହୁଡା ଯାତ୍ରା ସମୟରେ | ଆଉ ଡ଼ କୁମାରଙ୍କ ଏତାଦୃଶ କାର୍ଯ୍ୟ ପ୍ରେରିତ ତଥା ଉତ୍ସାହିତ କରିଥିଲା
ଗତକାଲି ଅର୍ଥାତ ବାହୁଡା ଅବସରରେ ମହାପ୍ରଭୁଙ୍କ ରଥ ମାଉସୀମା ମନ୍ଦିର ନିକଟରେ ପହଞ୍ଚି ସାରିଥାଏ । ହଠାତ ମାଡ଼ିଆସିଲା ବର୍ଷା । ସେ ବର୍ଷାକୁ ଖାତିରନକରି ସେବାୟତମାନେ ଯେପରି ରଥ ଟାଣିନେଉଥାନ୍ତି, ମୁଖ୍ୟ ପ୍ରଶାସକ ଡ଼ କୁମାର ମଧ୍ୟ ମୁଣ୍ଡରେ ଗାମୁଛା ଓ ମୁହଁରେ ମାସ୍କ ବାନ୍ଧି ବଡଦାଣ୍ଡରେ ରଥ ଆଗେ ଆଗେ ଖାଲି ପାଦରେ ଚାଲିଥାନ୍ତି । ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଏଭି ଉତ୍ସାହରେ ଅନ୍ୟମାନେ ବି ଉତ୍ସାହିତ ହୋଇ ମାଡି ଚାଲିଥାନ୍ତି, କାଳିଆ ଠାକୁରଙ୍କ ନିର୍ଦ୍ଦେଶ ମତେ | ପଛେ ପଛେ ସେଇ ବର୍ଷରେ ଗାଡି ଚାଲିଥାଏ ରଥ | ବର୍ଷାରେ କାଳେ ରଥଟଣା ବିଳମ୍ବିତ ହେବ କିମ୍ବା କାଳେ କୌଣସି ବିଘ୍ନ ଘଟିବ, ସେଥିପାଇଁ ମୁଖ୍ୟ ପ୍ରଶାସକ ଯଦିଓ ସାମାନ୍ୟ ବିଚଳିତ ହୋଇପଡିଥିଲେ, ହେଲେ ପ୍ରଭୁଙ୍କ ଉପରେ ତାଙ୍କର ପୂର୍ଣ୍ଣ ଆସ୍ଥା ଥିଲା । ମହାପ୍ରଭୁଙ୍କ ଆଶୀର୍ବାଦରୁ ସବୁ ସୁରୁଖୁରରେ ହେଇଗଲା । ଜଣେ ପ୍ରଶାସକଙ୍କ ନିକଟରେ ଏଭଳି ସାଧାରଣ ସେବକଙ୍କ ଭାବ ଦେଖିବା ବିରଳ ନିଶ୍ଚୟ । ରଥଯାତ୍ରାରୁ ବାହୁଡା ଯାତ୍ରା ପର୍ଯ୍ୟନ୍ତ ସବୁ ନୀତିକାନ୍ତି ଶୃଙ୍ଖଳିତ ଓ ନିର୍ଦ୍ଧାରିତ ସମୟରେ ଯେମିତି ଶେଷ ହେବ, ତେଣୁ ସବୁଦିଗ ଉପରେ ଯଥେଷ୍ଟ ଯତ୍ନବାନ ହୋଇ କାର୍ଯ୍ୟ କରିଥିଲେ ଡ଼ କୁମାର । ଆଉ ସେଥିପାଇଁ ତାଙ୍କର ସମର୍ପଣ ଭାବ ତଥା ସହଯୋଗୀ ମନୋଭାବକୁ ଦେଖି ରଥଯାତ୍ରା ସହିତ ଜଡିତ ପ୍ରତ୍ୟେକ ବ୍ୟକ୍ତିଙ୍କ ସହଯୋଗ ରହିଥିଲା ଶ୍ରୀଜୀଉଙ୍କ କାର୍ଯ୍ୟକୁ ନିଷ୍ଠା ଓ ନିର୍ବିଘ୍ନରେ ସମ୍ପନ୍ନ କରିବା ପାଇଁ |
