ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଗଜପତି ଜିଲ୍ଲା ମୋହନା ବ୍ଳକର ବିଭିନ୍ନ ସ୍ଥାନରେ ଶାନ୍ତି ପୂର୍ଣ୍ଣଭାବେ କୋଭିଡ୍ କଟକଣା ମଧ୍ୟରେ ଗୁଣ୍ଡିଚା ଯାତ୍ରା ସମାପନ ହୋଇଛି।
ମୋହନା ସ୍ଥିତ ଜଗନ୍ନାଥ ମନ୍ଦିର ସାହି ମଧ୍ୟରେ ରହିଥିବା ଜଗନ୍ନାଥ ମହାପ୍ରଭୂଙ୍କୁ ମଲମ ଲାଗି , ସକାଳଧୂପ , ଦୀପ ପ୍ରଜ୍ବଳନ କରି ଭୋଗରାଗ କରିବା ସହ ମଧ୍ୟାହ୍ନରେ ଖେଚିଡି ଭୋଗ କରାଯିବା ପରେ ଅପରାହ୍ନରେ ପହଣ୍ଡି ବିଜେ କରି ଗ୍ରାମ ମୁଖିଆଙ୍କୁ ଆମନ୍ତ୍ରଣ ପରେ ରଥ ପ୍ରତିଷ୍ଠା କାର୍ଯ୍ୟ ଆରମ୍ଭ ହୋଇଥିଲା। ୪ଟାରେ ପହଣ୍ଡି କରି ଠାକୁରଙ୍କୁ ଅଧରାସ୍ତାରେ ମାଉସୀ ମାଆଙ୍କ ଘରେ ପୋଡପିଠା ଭୋଗ ଲାଗି ଗୁଣ୍ଡିଚା ଘରକୁ ବିଜେ କରିଥିଲେ ଜଗନ୍ନାଥ । ରାଜ୍ୟ ସରକାରଙ୍କ କୋଭିଡ୍-୧୯ ର ନିୟମ ଅନୁଯାୟୀ ଶାନ୍ତିପୂର୍ଣ୍ଣଭାବେ ପୋଲିସ ପ୍ରଶାସନର କଡ଼ା ନିରାପତ୍ତା ମଧ୍ୟରେ ଗୁଣ୍ଡିଚା ଯାତ୍ରା ପାଳନ ହୋଇଯାଇଛି। ସେହିପରି ଚନ୍ଦ୍ରଗିରିରେ ମଧ୍ୟ ଶାନ୍ତି ଶୁଙ୍ଖଳାର ସହ ରଥଯାତ୍ରା ପାଳନ ହୋଇଯାଇଛି।
