ସମ୍ବଲପୁର/ରମାକାନ୍ତ ବିଶ୍ବାଳ- ସମ୍ବଲପୁର ର ପ୍ରଶିଦ୍ଧ ଶୀତଲ ଷଷ୍ଠୀ ଯାତ୍ରାର ସୁଭାରମ୍ଭ ହୋଇଛି। ତେବେ ଶୀତଲଷଷ୍ଟି ଯାତ୍ରାରେ ଶିବବିବାହ ୧୫ ତାରିଖ ଦିନ ଅନୁଷ୍ଠିତ ହେବାକୁ ଥିବା ବେଲେ ସହରର ନନ୍ଦପଡାର ବମବରାଡ ବାଲୁଙ୍କେଶ୍ୱର ବାବା ଓ ଦୁର୍ଗାପାଲି ର ଗୁଡେଶ୍ୱର ବାବାଙ୍କ ଯାତ୍ରା କମିଟି ପକ୍ଷରୁ ଶିବବିବାହ ପାଇଁ ପତ୍ରପେଣ୍ଡି ବା ନିର୍ବନ୍ଧ ପରମ୍ପରା ଅନୁଷ୍ଠିତ ହୋଇଯାଇଛି । କୋଭିଡ କଟକଣା ପାଇଁ କେବଳ ବିଧିରକ୍ଷା ପାଇଁ ପତ୍ରପେଣ୍ଡି ଯାତ୍ରା ଅନୁଷ୍ଠିତ ହୋଇଥିଲା ।
ପତ୍ରପେଣ୍ଡି ସହ ଶୁଭାରମ୍ଭ ହୋଇଛି ସମ୍ବଲପୁର ସହରର ପ୍ରଶିଦ୍ଧ ଶୀତଳଷଷ୍ଠୀ ଯାତ୍ରା ପ୍ରକ୍ରିୟା । ତେବେ ଗତଥର ପରି ଚଳିତ ବର୍ଷ ମଧ୍ୟ ଯାତ୍ରା ର ଚମକ କୁ ଫିକା କରିଦେଇଛି ମହାମାରୀ କୋଭିଡ । କେବଳ ଦେବଦମ୍ପତି ଙ୍କ ଶୁଭବିବାହ ଆୟୋଜନ ର ବିଧି ତଥା ପରମ୍ପରା ରକ୍ଷା ପାଇଁ ପତ୍ରପେଣ୍ଡି କାର୍ଯ୍ୟକ୍ରମ ସମାପିତ ହୋଇଛି । ନନ୍ଦପଡାର ଶ୍ରୀ ଶ୍ରୀ ବମବରାଡ ବାଲୁଙ୍କେଶ୍ୱର ବାବାଙ୍କ ଶୀତଲଷଷ୍ଠୀ ଯାତ୍ରା କମିଟି ତରଫରୁ ବରପିତା ରାମଚରଣ ମିଶ୍ର ଙ୍କ ସମେତ ସପ୍ତର୍ଷିମାନେ କନ୍ୟା ଅନ୍ନେଷଣରେ ଚଲିତ ବର୍ଷର କନ୍ୟା ପିତା ମାତା ଗୋପାଳ ଚନ୍ଦ୍ର ସାହୁ ଓ ପ୍ରମିଳା ସାହୁଙ୍କ ଵୈଦ୍ୟନାଥ ଛକ ସ୍ଥିତ ବାସଭବନକୁ ଯାଇଥିଲେ । ସେଠାରେ ବିଧି ମୁତାବକ ସମସ୍ତ ରିତିନିଧି ଅନୁଷ୍ଠିତ ହେବା ପରେ ବରପକ୍ଷଙ୍କ ତରଫରୁ ଅଣାଯାଇଥିବା ସର୍ଗିପତ୍ର କନ୍ୟା ପିତାମାତା ଗ୍ରହଣ କରିବା ସହ ଶିବବିବାହ ପାଇଁ ପତ୍ରପେଣ୍ଡି ଯାତ୍ରା ସମାପିତ ହୋଇଥିଲା ।
ଏଥିସହ ପତ୍ରପେଣ୍ଡି ଶୋଭା ଯାତ୍ରା ରେ କେବଳ ଶଙ୍ଖ ଘଣ୍ଟ ସାମିଲ ଥିବା ବେଳେ କରୋନା କଟକଣା ପାଇଁ ସାମାଜିକ ଦୁରତା ରକ୍ଷା କରାଯିବା ସହ ସମସ୍ତେ ପତ୍ରପେଣ୍ଡି ଯାତ୍ରାରେ ମାସ୍କ ପିନ୍ଧିଥିବା ଦେଖାଦେଇଥିଲା ।
ସେହି ଭଲି ଦୁର୍ଗାପାଲି ସ୍ଥିତ ଗୁଡେଶ୍ୱର ବାବା ଶୀତଲଷଷ୍ଠୀ ଯାତ୍ରା କମିଟି ପକ୍ଷରୁ ମଧ୍ୟ ଗୁଡେଶ୍ୱର ବାବାଙ୍କ ଶୁଭବିବାହ ପାଇଁ ପତରପେଣ୍ଡି ଯାତ୍ରା ଅନୁଷ୍ଠିତ ହୋଇଯାଇଛି । ଗୁଡେଶ୍ୱର ବାବାଙ୍କ ଶୁଭବିବାହ ପାଇଁ କନ୍ୟା ସନ୍ଧାନରେ ଯାତ୍ରା କମିଟି ର ସଭ୍ୟ ମାନଙ୍କ ସହ ସପ୍ତର୍ସି ମାନେ ଚଳିତ ବର୍ଷ ର କନ୍ୟା ପିତାମାତା କୈଳାସ ଅଗ୍ରୱାଲ ଓ ସୁଷମା ଅଗ୍ରୱାଲଙ୍କ ନିକଟରେ ପହଞ୍ଚି ଥିଲେ । ଗୁଡେଶ୍ୱର ବାବା ଶୀତଳଷଷ୍ଠୀ ଯାତ୍ରା କମିଟି ସଭ୍ୟ ଓ ପୁଜକ ଗୁଡେଶ୍ୱର ବାବା ଙ୍କ ମହିମା ର ଗୁଣଗାନ କରିବା ସହ ସର୍ଗିପତ୍ର ଓ ବେଲ ପତ୍ର ର ଥାଲ କନ୍ୟା ମାତା ପିତାଙ୍କୁ ପ୍ରଦାନ କରିବା ପରେ ଶିବବିବାହ ପାଇଁ ପତ୍ରପେଣ୍ଡି ସମାପିତ ହୋଇଥିଲା ।
କୋଭିଡ କଟକଣା ରେ ଦେବଦମ୍ପତିଙ୍କ ଶୁଭବିବାହ ପାଇଁ ପତ୍ରପେଣ୍ଡି ଯାତ୍ରା ସମ୍ପନ୍ନ ହୋଇଥିବାବେଳେ ଆସନ୍ତା ୧୫ ତାରିଖରେ ହେବ ଦେବ ଦେବ ମହାଦେବଙ୍କ ସହ ମାତା ପାର୍ବତୀଙ୍କ ଶୁଭ ପରିଣୟ ।
