ପୁରୀ: ନୀଳଗିରି ବିଧାୟକ ସୁକାନ୍ତ ନାୟକଙ୍କ ବିରୁଦ୍ଧରେ ଏତଲା ଦେଲା ପୁରୀର ଜଗନ୍ନାଥ ସେନା । ମହାପ୍ରଭୁଙ୍କ ରଥଯାତ୍ରା ବନ୍ଦ କରିବାକୁ ଚିଠି ଲେଖି ବିବାଦରେ ବିଧାୟକ ସୁକାନ୍ତ ନାୟକ । ମହାପ୍ରଭୁଙ୍କ ରଥ ନିର୍ମାଣକୁ ଅଯଥା ଖର୍ଚ୍ଚ ବୋଲି କହିଥିବାରୁ ଆପତ୍ତି କରିଛନ୍ତି ଜଗନ୍ନାଥ ସେନା ଆବାହକ ପ୍ରିୟଦର୍ଶନ ପଟ୍ଟନାୟକ । ଏନେଇ ସୋମବାର ସିଂହଦ୍ଵାର ଥାନାରେ ଏତଲା ଦିଆଯାଇଛି । ଆପିସି ଧାରା ୨୯୫, ୨୯୫(କ), ୨୯୬, ୨୯୭, ୨୯୮, ୧୨୦(ଖ) ଅନୁଯାଇ କାର୍ଯ୍ୟାନୁଷ୍ଠାନ ସହ ଗିରଫ ଦାବି କରିଛି ପୁରୀ ଜଗନ୍ନାଥ ସେନା ।  ବିଧାୟକ ମହୋଦୟ ନୀଳଗିରି ଜଗନ୍ନାଥ ମନ୍ଦିରର ରଥଯାତ୍ରାରେ ଅଯଥା ୭ ଲକ୍ଷ ନ କରି ରଥଯାତ୍ରାକୁ ବନ୍ଦ କରିବାକୁ ବାଲେଶ୍ବର ଜିଲ୍ଲାପାଳଙ୍କୁ ଚିଠି ଲେଖିଛନ୍ତି । ଯାହା କୋଟି କୋଟି ଜଗନ୍ନାଥ ପ୍ରେମିଙ୍କ ଭାବନାକୁ ଆଘାତ କରିଛି ବୋଲି କହିଛନ୍ତି ଆବାହକ ପ୍ରିୟଦର୍ଶନ । ଆହୁରି ମଧ୍ଯ, ବିଧାୟକ ସୁକାନ୍ତ ନାୟକ ପ୍ରତ୍ୟେକ ଓଡିଆଙ୍କୁ ମହାପ୍ରଭୁଙ୍କ ରଥ ନିର୍ମାଣ ପାଇଁ ଘରେ ଘରେ ଗଛ ଲଗାଇବାକୁ ଅନୁରୋଧ କରିଥାନ୍ତେ ତାହେଲେ ଭଲ ହୋଇଥାନ୍ତା ବୋଲି କହିଛନ୍ତି ପ୍ରିୟଦର୍ଶନ।