ନୂଆପଡା(ଅମିତ ପୁରୋହିତ) ; ନୂଆପଡା ଜିଲ୍ଲା ଖଡିଆଳ ରେଞ୍ଜ ଅଫିସର ସଦାନନ୍ଦ ସୁନାନୀଙ୍କ ଘରେ ଆଜି ଆୟବହିର୍ଭୁତ ସମ୍ପର୍ତ୍ତି ଠୁଲ ଅଭିଯୋଗରେ ଜୟପୁର ଭିଜିଲାନ୍ସ ବିଭାଗ ଚଢାଉ କରିଛି । ଜୟପୁର ଭିଜିଲାନ୍ସ ବିଭାଗର ଡିଏସପି ଶ୍ରୀ ଏସ କେ ବିଶ୍ୱାଳ ଙ୍କ ନେତୃତ୍ୱରେ ଏକ ଭିଜିଲାନ୍ସ ଟିମ ଶ୍ରୀ ସୁନାନୀ ଙ୍କ ସରକାରୀ ବାସ ଭବନରେ ଚଢାଉ ଜାରି ରଖିଛି । ସେହିପରି ରେଞ୍ଜରଙ୍କ ପୈତୃକ ଘର ସିନାପାଲି ବ୍ଲକର ନିଲିଜି, ତାଙ୍କ ଭାଇଙ୍କ ଘର ନେହେନା, ଜ୍ୱାଇଁ ଘର ରାୟଗଡାରେ ଏକା ସାଙ୍ଗରେ ଚଢାଉ ଜାରି ରହିଛି । ନିଲିଜି ଗାଁ ତାଙ୍କ ଦୁଇ ମହଲା ବିଶିଷ୍ଟ କୋଠାଘର, ବୋଲେରୋ ଗାଡି, ଟ୍ରାକ୍ଟର, ପିକଅପ ଭ୍ୟାନ, କୁ ମଧ୍ୟ ଠାବ କରିଛି । ଭିଜିଲାନ୍ସ ଡିଏସପି ଶ୍ରୀ ବିଶ୍ୱାଲ ଙ୍କୁ ପଚାରିବାରୁ ଏକା ସାଙ୍ଗରେ ଚାରି ଟି ଜାଗାରେ ଚଢାଉ ଜାରି ରହିଛି ବୋଲି ସୂଚନା ଦେଇଛନ୍ତି ।
