ହାଟଡିହି (ମକରଧ୍ବଜ ଜେନା) : କେନ୍ଦୁଝର ଜିଲ୍ଲା ନନ୍ଦିପଦା ଥାନା ନନ୍ଦିପଦା ଗ୍ରାମର ଏସଏଚଜି ଗ୍ରୁପ ର  ମହିଳା ମାନେ ରବିବାର ଏକ ମିଟିଙ୍ଗ ରେ ଯୋଗ ଦେବାକୁ ଓରାଳି ପଞ୍ଚାୟତ କୁ ଯାଇଥିଲେ l ଉକ୍ତ ମିଟିଙ୍ଗ ଏସଏଚଜି ମହାସଂଘ ର ସମ୍ପାଦକ ସାବିତ୍ରୀ ସା ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ହେଉଥିଲା l ନନ୍ଦିପଦା ଏସଏଚଜି ଗ୍ରୁପ ର ମହିଳା ମାନେ ମିଟିଙ୍ଗ ସ୍ଥଳରେ ପହଂଚିବା ପରେ ସମ୍ପାଦକ ସେମାନଙ୍କୁ ଜାତିଆଣ ଆକ୍ଷେପ କରିବା ସହ ମିଟିଙ୍ଗ ରେ ବସିବାକୁ ସୁଯୋଗ ଦେଇ ନ ଥିଲେ l ଫଳରେ ମହିଳା ମାନେ ଅସନ୍ତୋଷ ପ୍ରକାଶ କରି ମିଟିଙ୍ଗ ସ୍ଥଳ ରୁ ଫେରି ଆସି ନନ୍ଦିପଦା ଥାନା ରେ ଲିଖିତ ଅଭିଯୋଗ କରି ସମ୍ପାଦକ ସାବିତ୍ରୀ ସା ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବିରେ ଥାନା ଘେରାଉ  କରିଥିଲେ l ରିପୋର୍ଟ ଲେଖା ହେବା ପର୍ଯ୍ୟନ୍ତ କୌଣସି ସମାଧାନ ହୋଇ ପାରି ନ ଥିବା ବେଳେ ଘେରାଉ ହଟି ନ ଥିଲା l ସମ୍ପାଦକ ସାବିତ୍ରୀ ସା କହିଛନ୍ତି ଯେ ତାଙ୍କ ବିରୁଦ୍ଧରେ ଏହା ଏକ ମିଥ୍ୟା ଅଭିଯୋଗ l ସେ କୌଣସି ଜାତିଆଣ ଆକ୍ଷେପ କି କାହାରିଙ୍କୁ ଅସମ୍ମାନ କରି ନାହାନ୍ତି l