ସମ୍ବଲପୁର,(ରମାକାନ୍ତ ବିଶ୍ବାଳ)- ସମ୍ବଲପୁର ଗୋବିନ୍ଦତୋଲା ର ସ୍ପୋର୍ଟିଂ ୟୁନିୟନ କ୍ରିକେଟ କ୍ଳବ ପକ୍ଷରୁ ଦୀନବନ୍ଧୁ ଗୋସ୍ୱାମୀ ସ୍ମାରକୀ କ୍ରିକେଟ ପ୍ରତିଯୋଗିତା ଉଦଘାଟିତ ହୋଇଯାଇଛି । ସହରର ଫୋରସି ଗ୍ରାଉଣ୍ଡ ଠାରେ ଆଜିଠାରୁ ଆରମ୍ଭ ହୋଇଥିବା ଏହି ପ୍ରତିଯୋଗିତା କୁ ପୁର୍ବତନ ବିଧାୟିକା ଡାକ୍ତର ରାସେଶ୍ୱରୀ ପାଣିଗ୍ରାହୀ ମୁଖ୍ୟ ଅତିଥି ଭାବରେ ଯୋଗଦେଇ ଉଦଘାଟନ କରିଥିଲେ । ଚଳିତ ବର୍ଷ ନବମ ଥର ପାଇଁ ଆୟୋଜିତ ଏହି କ୍ରିକେଟ ପ୍ରତିଯୋଗିତାରେ ଜିଲ୍ଲା ର ଆଠ ଗୋଟି କ୍ରିକେଟ ଦଳ ଭାଗନେଇଛନ୍ତି ।
ଏହି ପ୍ରତିଯୋଗିତା ର ସମସ୍ତ ମ୍ୟାଚ ଗୁଡିକ ୨୦-୨୦ ଫର୍ମାଟ ରେ ଅନୁଷ୍ଠିତ ହେବ । ଏଥିସହ ପ୍ରତିଯୋଗିତା ର ଫାଇନାଲ ମ୍ୟାଚ ସହ ପୁରସ୍କାର ବିତରଣୀ ସମାରୋହ ଆସନ୍ତା ୧୬ ତାରିଖରେ ଅନୁଷ୍ଠିତ ହେବ । କାର୍ଯ୍ୟକ୍ରମ ରହିଛି । ଏହି ପ୍ରତିଯୋଗିତା ଆୟୋଜନ ରେ ଗୋବିନ୍ଦତୋଲା ର ସ୍ପୋର୍ଟିଂ ୟୁନିୟନ କ୍ରିକେଟ କ୍ଳବ ର ସଭାପତି ବିକାଶ ମିଶ୍ର ଙ୍କ ସମେତ କ୍ଳବର ସବୁ ସଭ୍ୟ ପ୍ରତିଯୋଗିତା ଆୟୋଜନ ରେ ସହଯୋଗ କରୁଛନ୍ତି ।
