କଳାହାଣ୍ଡି/ତୁଳମଣି ନାଗ(ଶାସକ ପ୍ରଶାସକ) କଳାହାଣ୍ଡି  ଜ଼ିଲ୍ଲାର  ଅନେକ  ଦିନର  ସ୍ବପ୍ନ  ପୂରଣ ହୋଇଯାଇଛି  l ସର୍ବଭାରତୀୟ ଜେଇଇମେନ୍ ୨୦୨୧ପରୀକ୍ଷା  ଦେବାପାଇଁ  ଛାତ୍ରଛାତ୍ରୀମାନେ ବିଭିନ୍ନ  ଦୂର ଦୂରାନ୍ତକୁ  ଯିବାକୁ ପଡୁଥିଲା l 

 ହେଲେ ଏହି ବର୍ଷ ଠାରୁ ଆଉ  ସେହି ଅସୁବିଧାର  ସମ୍ମୁଖୀନ  ହେବାକୁ  ପଡିବ ନାହିଁ  l  କାରଣ କଳାହାଣ୍ଡି  ଜ଼ିଲ୍ଲାର   ଭବାନୀପାଟଣା  ଇରିଗେସନ କଲୋନୀ ୧୫ ନମ୍ବର ଲେନରେ  ଥିବା ପ୍ରକୃତି  ଶିକ୍ଷା  ଅନୁଷ୍ଠାନ ୨୦୨୧ (ଜେଇ.ମେନ୍)ପରୀକ୍ଷା କରିବାର  ସୋଭାଗ୍ୟ  ପାହି ଖୁସି ର  ଲହରୀ  ଆଣି ଦେହିଛି କଳାହାଣ୍ଡି ଜିଲ୍ଲାକୁ   l 

ପ୍ରକୃତି  ଅନୁଷ୍ଠାନର ଅଧ୍ୟକ୍ଷ  ଶ୍ରୀ ପ୍ରଦ୍ୟୁମ୍ନ  ସାହୁ  କହିଛନ୍ତି  ଯେ ଜାତୀୟ ସ୍ତରର  ପରୀକ୍ଷା  ଦେବା ପାଇଁ  ଛାତ୍ରଛାତ୍ରୀମାନଙ୍କୁ  ଯିବା,ରହିବା,  ପରୀକ୍ଷା  ଦେବା,  ଅଧିକ   ଭାରାକ୍ରାନ୍ତ  ଓ  ଖର୍ଚ୍ଚାନ୍ତ  ହେବାକୁ  ପଡୁଥିଲା l ନିକଟରେ  ହେବାଦ୍ୱାରା  ଅତି କମ  ଖର୍ଚ୍ଚରେ  ଯାତାୟାତ  ସହ  ନିର୍ଭୟରେ  ପରୀକ୍ଷା  ଦେବାର  ସୁଯୋଗ  ପାଇପାରିଲେ l ନୂତନ  ଶିକ୍ଷା ନୀତି ଆଇନ  ଅନୁଯାୟୀ     କଳାହାଣ୍ଡି  ଜ଼ିଲ୍ଲାରେ  ଜାତୀୟସ୍ତର  ପରୀକ୍ଷା ହେବାର ସୁଯୋଗ  ଦେଇଥିବାରୁ  ଅଭିଭାବକ ମାନଙ୍କ  ମହଲରେ ଖୁସି ପ୍ରକାଶ ପାଇଛି | ସେମାନେ ଉଭୟ  କେନ୍ଦ୍ର  ଓ  ରାଜ୍ୟ  ସରକାରଙ୍କୁ  କୃତଜ୍ଞତା  ଜଣେଇଛନ୍ତି l

କୋଭିଡ -୧୯  କଟକଣା ମାନି  ପରୀକ୍ଷା  ପରିଚାଳନା  କରାଯିବାର ସମସ୍ତ ବ୍ୟବସ୍ଥା କରାଯାଇଛି ବୋଲି  ଅଧ୍ୟକ୍ଷ  ଶ୍ରୀ  ପ୍ରଦ୍ୟୁମ୍ନ ସାହୁ କହିଛନ୍ତି  l  ଏହି   ପରୀକ୍ଷା  ଫେବୃଆରୀ ୨୩ ରୁ  ଆରମ୍ଭ  ହେଇ ୨୬ତାରିଖ ଶେଷ ହେବ ବୋଲି କହିଛନ୍ତି |