ସମ୍ବଲପୁର,(ରମାକାନ୍ତ ବିଶ୍ବାଳ): ସମସ୍ତ ଅକ୍ଷମତା ଦୃଶ୍ୟମାନ ନୁହେଁ | କିନ୍ତୁ ଭିନ୍ନକ୍ଷମଙ୍କ ସମ୍ମୁଖୀନ ହେଉଥିବା ସମସ୍ୟାକୁ ସମୀକ୍ଷା କରିବା ପାଇଁ ୧୧ ଡିସେମ୍ବର ୨୦୨୦ ରେ ଆନ୍ତର୍ଜାତୀୟ ଭିନ୍ନକ୍ଷମ ଦିବସ ଆୟୋଜନ କରାଯାଇଆସୁଅଛି। ଅକ୍ଷମତା ସମସ୍ୟା ବିଷୟରେ ଲୋକଙ୍କ ଭିତରେ ସଚେତନତା ସୃଷ୍ଟି କରିବା, ଭିନ୍ନକ୍ଷମମାନଙ୍କ ସମ୍ମାନ, ଅଧିକାର, କଲ୍ୟାଣ ଏବଂ ଭିନ୍ନକ୍ଷମଙ୍କ ମୌଳିକ ଅଧିକାର ଉପରେ ଅନୁଶୀଳନ ଓ ଚିନ୍ତନ ପାଇଁ ଏହି କାର୍ଯ୍ୟକ୍ରମ ଲକ୍ଷ୍ୟ ରଖାଯାଇଆସୁଛି | ଭିନ୍ନକ୍ଷମମାନଙ୍କ ପ୍ରତି ଆମେ ସହୃଦୟ ଭାବ ପ୍ରଦର୍ଶନ କରିବା ସହ ସେମାନଙ୍କ ଆତ୍ମବଳ ବୃଦ୍ଧି କରି ସେମାନଙ୍କ ବ୍ୟକ୍ତିତ୍ୱ ତଥା ଅନ୍ତର୍ନିହିତ ଦକ୍ଷତାର ବିକାଶହ ପାଇଁ ସେମାନଙ୍କୁ ପ୍ରୋତ୍ସାହିତ କରାଯିବାର ଆବଶ୍ୟକତା ରହିଛି ବୋଲି ସ୍ଥାନୀୟ ଶିଳ୍ପାନୁଷ୍ଠାନ ଆଦିତ୍ୟ ବିର୍ଲା ସୌଜନ୍ୟ ରେ ବୋମାଲୋଇର ଆର.ଜି.କେ.ଏସ ଠାରେ ଆୟୋଜିତ ଆନ୍ତର୍ଜାତୀୟ ଭିନ୍ନକ୍ଷମ ଦିବସ କାର୍ଯ୍ୟକ୍ରମରେ ଅତିଥିମାନେ ମତବ୍ୟକ୍ତ କରିଛନ୍ତି |
ଏହି ଅବସରରେ ଏକ ସଚେତନତା ଏବଂ ସମ୍ମିଶ୍ରଣ କର୍ମଶାଳା ବିଭିନ୍ନ ଦକ୍ଷ ବ୍ୟକ୍ତିଙ୍କ ଅନ୍ତର୍ନିହିତ ଦକ୍ଷତାର ପ୍ରୋତ୍ସାହନରେ ଆୟୋଜିତ ହୋଇଥିଲା | ଏଥିରେ ୪୦ ଜଣ ଭିନ୍ନକ୍ଷମ ବ୍ୟକ୍ତି ସାମିଲ ହୋଇଥିଲେ | ଏହି କାର୍ଯ୍ୟକ୍ରମର ମୁଖ୍ୟ ଅତିଥି କୃଷ୍ଣ କୁମାର ପାଣ୍ଡେଙ୍କ ଦ୍ୱାରା ଅତିଥି ଶ୍ରୀମତୀ ସ୍ନେହାରାଣୀ ପାତ୍ର, ବି.ଇ.ଟି, ବଧିର ଏବଂ ମାନସିକଚେଷ୍ଟା ପାଇଁ ସ୍ୱତନ୍ତ୍ର ବିଦ୍ୟାଳୟର ପ୍ରଧାନଶିକ୍ଷୟତ୍ରୀ ଶ୍ରୀମତୀ ସୁଦର୍ଶନସୁବାଲା ମୁଦୁଲିଙ୍କ ଉପସ୍ଥିତିରେ ପ୍ରଦୀପ ପ୍ରଜ୍ୱଳନ କରାଯାଇ କାର୍ଯ୍ୟକ୍ରମ ଉଦ୍ଘାଟନ କରାଯାଇଥିଲା | ଭିନ୍ନକ୍ଷମ ପିଲାମାନଙ୍କ ଦକ୍ଷତା ଏବଂ ଗୁଣର ପରିପ୍ରକାଶ ପାଇଁ ପିଲାମାନଙ୍କ ମଧ୍ୟରେ ଏକ ଚିତ୍ରାଙ୍କନ ପ୍ରତିଯୋଗିତା ମଧ୍ୟ କରାଯାଇଥିଲା | ସେଥିରେ କୃତି ପ୍ରତିଯୋଗିଙ୍କୁ ମୁଖ୍ୟ ଅତିଥି ଓ ଅତିଥି ମାନେ ପୁରସ୍କାର ପ୍ରଦାନ କରିଥିଲେ |
କାର୍ଯ୍ୟକ୍ରମ ସମୟରେ ଶ୍ରୀମତୀ ସ୍ନେହଲତା ବିଭିନ୍ନ ସରକାରୀ ଯୋଜନା ବିଷୟରେ ବର୍ଣ୍ଣନା କରିବା ସହ ଭିନ୍ନକ୍ଷମଙ୍କ ପାଇଁ ଯୋଜନା ଏବଂ ସହାୟତା ଏବଂ ପର୍ଯ୍ୟାପ୍ତ ଦକ୍ଷତା ତାଲିମ ସହିତ ସେମାନଙ୍କର ଦକ୍ଷତା ମୂଲ୍ୟାଙ୍କନ ଉପରେ ଆଲୋକପାତ କରିଥିଲେ | ସେହିଭଳି ଶ୍ରୀମତୀ ସୁଧାଂଶୁବାଲା ସେମାନଙ୍କ ବିଦ୍ୟାଳୟ ଦ୍ୱାରା କରାଯାଇଥିବା କାର୍ଯ୍ୟକଳାପ ବିଷୟରେ ବୁଝେଇଥିଲେ ଏବଂ ପିଲାମାନଙ୍କ ଗୁଣ କୌଶଳବିଷୟରେ କଳ୍ପନା କରି ସୁନ୍ଦର ଭବିଷ୍ୟତ ଦିଗରେ ଆଲୋଚନା କରିଥିଲେ |
ଭିନ୍ନକ୍ଷମମାନଙ୍କ ଭିତରେ ଆତ୍ମବିଶ୍ଵାସ ଭରିବା ସହ ଆଗକୁ ଚାହିଁବା ପାଇଁ ଉଦ୍ୟମ ନାମକ ଏକ କ୍ଷୁଦ୍ର ଚଳଚ୍ଚିତ୍ର ପ୍ରଦର୍ଶିତ ହୋଇଥିଲା | ଏହା ଅଂଶଗ୍ରହଣକାରୀମାନଙ୍କୁ ଉତ୍ସାହିତ କରିଥିଲା ଏବଂ ଆଗକୁ ଦେଖିବା ପାଇଁ ସେମାନଙ୍କର ଆତ୍ମବିଶ୍ୱାସ ପ୍ରୋତ୍ସାହିତ କରିଥିଲା l
