ଓଡ଼ଗାଁ(ଶ୍ରୀକାନ୍ତ କୁମାର ମିଶ୍ର): ଓଡ଼ଗାଁ ଶ୍ରୀ ସତ୍ୟସାଇ ମନ୍ଦିର ପ୍ରାଙ୍ଗଣରେ ବାବାଙ୍କର ୯୫ତମ ଜନ୍ମ ଦିନ ନିରାଡମ୍ବର ସହକାରେ ପାଳିତ ହୋଇଯାଇଛି । କରୋନା କଟକଣାକୁ ଧ୍ୟାନରେ ରଖି ପ୍ରାତଃ କାଳରେ ଓଁକାର ଓ ସୁପ୍ରଭାତଂ ପରେ ସତ୍ୟସାଇ ସେବା ସମିତି ଓଡ଼ଗାଁର ଆବାହକ ଚନ୍ଦନ କୁମାର ପାତ୍ରଙ୍କ ଦ୍ୱାରା ପ୍ରଶାନ୍ତି ପତାକା ଉତୋଳନ ହୋଇଥିଲା । ପରେ ଷୋଡ଼ଶ ଉପଚାରରେ ପୂଜା ସହିତ ପ୍ରସାଦ ବିତରଣ ଏବଂ ନାରାୟଣ ସେବା କାର୍ଯ୍ୟ ଅନୁଷ୍ଠିତ ହୋଇଥିଲା । ମନ୍ଦିର ଶିଳ୍ପୀ ଦିଲ୍ଲୀପ ଦାସଙ୍କୁ ଏବଂ ବରିଷ୍ଠ ସମାଜ ସେବୀ ବିଜୟ ମିଶ୍ରଙ୍କୁ ସମ୍ବର୍ଦ୍ଧିତ କରା ଯାଇଥିଲା । ସନ୍ଧ୍ୟାରେ ୯୫ ପ୍ରଦୀପ ପ୍ରଜ୍ଜଳନ କରାଯାଇ ଭଜନ ପରେ ବାବାଙ୍କ ଆରତୀ କରା ଯାଇଥିଲା । ହରପ୍ରସାଦ ମହାପାତ୍ର, ହେମନ୍ତ କୁମାର ହୋତା, ଜିଲ୍ଲା ଆଧ୍ୟାତ୍ମିକ ସଂଯୋଜକ ରବିନ୍ଦ୍ର କୁମାର ପାଣିଗ୍ରାହୀଙ୍କ ଦ୍ୱାରା ପୂଜା ନିତୀ ସମ୍ପର୍ଣ୍ଣ ହୋଇ ଥିଲା । ଶ୍ରୀ ସତ୍ୟସାଇ ଆଧ୍ୟାତ୍ମିକ ଶିକ୍ଷା ଓ ସାମୁହିକ ସେବାକେନ୍ଦ୍ର ଅଧ୍ୟକ୍ଷ ଆଦର୍ଶ କୁମାର ପଟ୍ଟନାୟକ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ପ୍ରସନ୍ନ କୁମାର ଭଟ୍ଟ, ସୁନିଲ କୁମାର ଭଟ୍ଟ, ଅରୁପ ପଟ୍ଟନାୟକ, ରାମଚନ୍ଦ୍ର ସାହୁ ଏବଂ କାର୍ଯ୍ୟକ୍ରମରେ ଯୋଗଦେଇଥିବା ଭଉଣୀ ମାନେ ସହଯୋଗ କରିଥିଲେ ।
