ଓଡ଼ଗାଁ,(ଶ୍ରୀକାନ୍ତ କୁମାର ମିଶ୍ର) : ନୂଆଗାଁ ବ୍ଳକ୍ ବେରୁଆଁବାରୀ ପଂଚାୟତ ଅନ୍ତର୍ଗତ ବେରୁଆଁବାରୀ ଗ୍ରାମବାସୀଙ୍କ ମିଳିତ ସହଯୋଗରେ ବିଶିଷ୍ଟ ସମାଜସେବୀ ସ୍ୱର୍ଗତ ରାମ ଚନ୍ଦ୍ର ଦେଓଙ୍କ ପ୍ରତିମୂର୍ତ୍ତୀ ସିଦ୍ଧାର୍ଥ ଶେଖର ସିଂହ , ଦୁର୍ଗାମାଧବ ଶ୍ରୀଚନ୍ଦନ ମହାପାତ୍ର , ତ୍ରିଭୁବନ ଚନ୍ଦ୍ର ଦେଓଙ୍କ ଦ୍ୱାରା ଉନ୍ମୋଚିତ ହୋଇଯାଇଛି । ୧୯୪୫ ମସିହାରେ ଓଡ଼ଗାଁ ବ୍ଳକ କୋରପିଠା ଗ୍ରାମରେ ସେ ଜନ୍ମ ଗ୍ରହଣ କରିଥିଲେ । କୋରପିଠା ତାଙ୍କର ଜନ୍ମଭୂମି ଥିଲା ବେଳେ ନୂଆଗାଁ ବ୍ଳକ୍ ଅନ୍ତର୍ଗତ ବେରୁଆଁବାରୀ ଥିଲା ତାଙ୍କର କର୍ମଭୂମି । ସେ ଜଣେ କବି ,ସୁସାହିତ୍ୟିକ ,ସୁସଂଗଠକ , ସମାଜସେବୀ ଏବଂ ସର୍ବୋପରି ରାଜନେତା ଥିଲେ । ଆଦିବାସୀ ଅଧ୍ୟୁଷିତ ଅନୁନ୍ନତ ଅଂଚଳରେ ଶିକ୍ଷାର ପ୍ରସାର ପାଇଁ ତାଙ୍କ ଦ୍ୱାରା ପ୍ରାଥମିକ ବିଦ୍ୟାଳୟ ଓ ଉଚ୍ଚ ବିଦ୍ୟାଳୟ ସ୍ଥାପିତ ହୋଇଥିଲା । ସରପଂଚ ଥିବା ବେଳେ ସ୍ଥାନୀୟ ଅଂଚଳର ବହୁ ବିକାଶ ମୁଳକ କାର୍ଯ୍ୟ କରି ପ୍ରତ୍ୟେକଙ୍କ ପ୍ରିୟଭାଜନ ହୋଇପାରିଥିଲେ ।
