୨୫ ତାରିଖ ଦିନ କୄଷିବିଭାଗ,ବିମା କମ୍ପାନୀ ଓ ପ୍ରଶାସନିକ ଅଧିକାରୀମାନଙ୍କ ଆଲୋଚନା
ପଦ୍ମପୁର : ପଦ୍ମପୁର ଉପ ଜିଲ୍ଲାପାଳ କାର୍ଯ୍ୟାଲୟ ତାଳା ଖୋଲି ନଦେବା ପାଇଁ ସକାଳୁ ଚାଷୀ ଧାରଣାରେ । ୨୦୧୯ – ୨୦ ବର୍ଷର ଖରିଫ ଫସଲ ବୀମା ପ୍ରଦାନ ଦାବିରେ । ପଦ୍ମପୁର ଉପଖଣ୍ତର ଲଖମରା,ବାଦିକଟା,ଭେଙ୍ଗରାଜପୁର ଆଦି ଗ୍ରାମ ପଞ୍ଚାୟତର ଚାଷୀଙ୍କୁ ୨୦୧୯ – ୨୦ ବର୍ଷର ଖରିଫ ଫସଲ ବୀମା ଆଜିଯାଏ ପାଇଁ ନାହାଁନ୍ତି । ବୀମାପ୍ରଦାନ କରିବା ଦାବିରେ କାଲି ରାସ୍ତାରୋକ କରିଥିଲେ ଚାଷୀ ହେଲେ ପ୍ରଶାସନିକ କେହି ଧ୍ୟାନଦେଇ ନଥିଲେ । ସୂଚନାଯୋଗ୍ୟ ଯେ ପ୍ରଶାସନିକ ଅଧିକାରୀମାନଙ୍କୁ ବାରମ୍ବାର ଅଭିଯୋଗ କଲେ ମଧ୍ୟ କେହି କର୍ଣ୍ଣପାତ କରୁନାହାନ୍ତି । ତେଣୁ ବାଧ୍ୟହୋଇ କାଲି ପଦ୍ମପୁର ନିକଟସ୍ଥ ଲଖମରା ଛକ ଠାରେ ରାସ୍ତା ଅବରୋଧ କରିଥିଲେ । ଫଳରେ ଓଡିଶା ଓ ଛତିଶଗଡ଼ ମଧ୍ୟରେ ଯୋଗଯୋଗ ବିଛିନ୍ନ ହୋଇ ହଜାର ହଜାର ମାଲବାହୀ ଜାନବାହନ ଯିବା ଆସିବା କରିଥାଏ ତଥାବି ପ୍ରଶାସନ ଶୁଣିନଥିଲା । ତେଣୁ ଉପାୟନପାଇ ଆଜି ସକାଳୁ ଚାଷୀ ଉପଜିଲ୍ଲାପାଳ କାର୍ଯ୍ୟାଳୟର ତାଳା ଖୋଲି ଦେଉନାହାନ୍ତି । ଚାଷୀର ଏହି ବୀମା ପ୍ରଦାନ ନକଲେ , ଚାଷୀ ତାଳା ଖୋଲେବେ ନାହିଁ ବୋଲି ଜିଦରେ ଅଟଲ ରହିଥିଲେ । ଉପଜିଲ୍ଲାପାଳ ତନ୍ମୟ କୁମାର ଦରଓ୍ବାନ ଘଟଣା ସ୍ଥଲରେ ପହଞ୍ଚି ଲିଖିତ ଭାବରେ ପ୍ରତିଶ୍ରୁତି ଦେବାପରେ ଚାଷୀ ମାନେ ଆନ୍ଦୋଳନ ପ୍ରତ୍ୟାହାର କରିଛନ୍ତି । ଆଗାମି ୨୫ ତାରିଖ ଦିନ କୄଷିବିଭାଗ,ବିମା କମ୍ପାନୀ ଓ ପ୍ରଶାସନିକ ଅଧିକାରୀ ମାନଙ୍କ ଆଲୋଚନା ହେବ ବୋଲି ପ୍ରତିଶୃତି ଦେଇଛନ୍ତି ଉପଜିଲ୍ଲାପାଳ । ଆଗାମୀ ୧୫ ଦିନ ମଧ୍ୟରେ ଚାଷୀଙ୍କୁ ବୀମା ପ୍ରଦାନ କରାନଗଲେ ଚାଷୀ ମାନେ ଉପଜିଲ୍ଲାପାଳ ଅଫିସକୁ ସମ୍ପୂର୍ଣ୍ଣ ଭାବରେ ଅଚଲ କରିବେ ବୋଲି ଚେତାବନୀ ଦେଇଛନ୍ତି । ଏହି ଆନ୍ଦୋଳନରେ ଦହିତ ସାହୁ, ମଳୟ ଭୋଇ,ରମେଶ ମହାପାତ୍ର, ରୋହିତ ପ୍ରଧାନ,କୈଲାଶ ବାରିକ,ବିଶ୍ବନାଥ ରଣା,ଦିଲ୍ଲୀପ ପ୍ରଧାନ ପ୍ରମୁଖ ନେତୄତ୍ବ ନେଇଥିଲେ ।
