ଓଡ଼ଗାଁ( ଶ୍ରୀକାନ୍ତ ମିଶ୍ର)  : ନୟାଗଡ଼ ଜିଲ୍ଲାରେ କରୋନା ତାର କାୟା ବିସ୍ତାରୀ ଚାଲିଥିବା ବେଳେ ଆଜି ଓଡ଼ଗାଁ ବ୍ଲକ ଅନ୍ତର୍ଗତ ଶରଧାପୁର ପଂଚାୟତ ବରିଷ୍ଠ ନେତା ନୃସିଂହ ଚରଣ ରାଉତଙ୍କର ମୃତ୍ୟୁ ଘଟିଛି । ସେ କିଛିଦିନ ତଳେ କରୋନା ଆକ୍ରାନ୍ତ ହେବା ପରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ । ପୂର୍ବରୁ ତାଙ୍କର ଡାଇବେଟିସ୍ ରୋଗ ମଧ୍ୟ ରହିଥିଲା । ଶରଧାପୁର ପଂଚାୟତରେ ୩ ଥର ସରପଂଚ ହୋଇଥିବା ବେଳେ ଅନ୍ୟାନ୍ୟ ରାଜନୈତିକ ପଦ ପଦବିରେ ମଧ୍ୟ ରହିଥିଲେ । ଜଣେ ମେଳାପି ଓ ଆମାୟିକ ବ୍ୟକ୍ତିତ୍ୱ ହିସାବରେ ନିଜ ପଂଚାୟତ ଠାରୁ ଆରମ୍ଭ କରି ସାରା ଓଡ଼ଗାଁ ଅଂଚଳରେ ଜଣେ ତାଙ୍କର ଖ୍ୟାତି ରହିଥିଲା । ତାଙ୍କର ମୃତ୍ୟୁରେ ଅଂଚଳରେ ଶୋକର ଛାୟା ଖେଳିଯାଇଛି ।