ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : କେନ୍ଦ୍ର ସରକାରଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରାଳୟ ଅଧିନସ୍ଥ ନେହେରୁ ଯୁବ କେନ୍ଦ୍ର ଆନୁକୂଲ୍ୟରେ ଗଜପତି ଜିଲ୍ଲାର ୭ ଗୋଟି ବ୍ଳକରେ ନେହେରୁ ଯୁବ କେନ୍ଦ୍ର ସହାୟତାରେ ବୃକ୍ଷ ରୋପଣ , କରୋନା ସଚେତନତା , ଫିଟ୍ ଇଣ୍ଡିଆ କାର୍ଯ୍ୟକ୍ରମ ଗୁଡିକ ପାଳନ କରାଯାଉଛି।
ନେହେରୁ ଯୁବ କେନ୍ଦ୍ରର ଜିଲ୍ଲା ଯୁବ ଅଧିକାରୀ (D.Y.O) ବିଜୟ କୁମାର ମହାପାତ୍ରଙ୍କ ନିର୍ଦ୍ଦେଶ କ୍ରମେ ପ୍ରତ୍ୟେକ ବ୍ଳକରେ ବୃକ୍ଷ ରୋପଣ, କରୋନା ସଚେତନତା ଓ ଫିଟ୍ ଇଣ୍ଡିଆ କାର୍ଯ୍ୟକ୍ରମ ଗୁଡିକ ଅବଲମ୍ବନ କରାଯାଉଛି।
ଏହି ଅବସରରେ ନୂଆଗଡ଼ ବ୍ଲକର ବଡ଼ପଦା ଗ୍ରାମର ରକ୍ ଷ୍ଟାର ୟୁଥ୍ କ୍ଲବର (Rock star youth club ) ସଦସ୍ୟ ମାନଙ୍କ ଦ୍ଵାରା ଗ୍ରାମର ଚାରିପାର୍ଶ୍ଵରେ ସଫେଇ କାର୍ଯ୍ୟକ୍ରମ ସହ ୫୦ ଗୋଟି ଚାରା ରୋପଣ କରାଯାଇଥିଲା। ସେହିପରି ମୋହନା ବ୍ଳକର ମୋହନା ଗ୍ରାମରେ ସାଧୁସେବା ସ୍କେନ ୟୁଥ୍ କ୍ଳବର ସଦସ୍ୟ ମାନଙ୍କ ଦ୍ଵାରା ଗ୍ରାମର ପ୍ରତ୍ୟେକ ଯୁବକ ମାନଙ୍କୁ ନେଇ ଫିଟ୍ ଇଣ୍ଡିଆ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ଦୁଇ ଟି ବ୍ଳକରେ ବୃକ୍ଷରୋପଣ ଓ ଫିଟ୍ ଇଣ୍ଡିଆ କାର୍ଯ୍ୟକ୍ରମଟି ସମ୍ପର୍ଣ୍ଣ ଭାବରେ କରାଯାଇଥିବାରୁ ନେହେରୁ ଯୁବ କେନ୍ଦ୍ରର ଜିଲ୍ଲା ଯୁବ ଅଧିକାରୀ ସମସ୍ତ ସଦସ୍ୟ ମାନଙ୍କୁ ଧନ୍ୟବାଦ ଜଣାଇଥିଲେ।
