ବରଗଡ :- ଚଳିତ ବର୍ଷ ଆମେ ଭାରତବାସୀ ପାଳନ କରୁଛୁ ୭୪ତମ ସ୍ୱାଧୀନତା ଦିବସ । ଚଳିତ ଥର ଅନ୍ୟ , ବର୍ଷ ତୁଳନାରେ ଏହି ରାଷ୍ଟ୍ର ପର୍ବ କୋବିଡ଼ କଟକଣା ପାଇଁ ଟିକେ ଫିକା ପଦଯାଇଛି । ଆଜି ବରଗଡ଼ ନିଷ୍ଠା ପରିବାର  ପବିତ୍ର ସ୍ୱାଧୀନତା ଦିବସରେ  ସାହୁ ଟିକ୍ରା ର ମିଳିତ ଉଦ୍ୟମରେ ସାହୁଟିକ୍ରା ତୋରା ଠାରେ ସ୍ବେଚ୍ଛାକୃତ ରକ୍ତଦାନ ଶିବିରର ଆୟୋଜନ କରାଯାଇଥିଲା । ପ୍ରବଳ ବର୍ଷା ସତ୍ବେ ଟିମ ସାହୁ ଟିକ୍ରା ର ଆପ୍ରାଣ ଉଦ୍ୟମରେ ଏହି ଶିବିର ରେ ବୁର୍ଲା ରକ୍ତ ଭଣ୍ଡାର ଦ୍ବାରା ୩୨ୟୁନିଟ୍ ରକ୍ତ ସଂଗୃହୀତ ହୋଇଥିଲା ।ସମସ୍ତ ରକ୍ତ ଦାତା ଏବଂ ଶୁଭେଚ୍ଛୁ ମାନଙ୍କୁ ଅନେକ ଅନେକ ଧନ୍ୟବାଦ ଜଣାଇଛନ୍ତି ନିଷ୍ଠା ପରିବାରର ସମସ୍ତ ସଭ୍ୟ । ଏହି ଶିବିର କୁ ନିଷ୍ଠା ପରିବାର ର ସଭାପତି ରକ୍ଷପାଲ ସାହୁ ଫିତା କାଟି ଉଦ୍ଘାଟନ କରିଥିଲେ।ସଂପାଦକ ଅଶ୍ବିନୀ ତ୍ରିପାଠୀ ଏବଂ କୋଷାଧକ୍ଷ ଶ୍ୟାମ ସୁନ୍ଦର ସାହୁ ଶିବିର ପରିଚାଳନା କରିଥିଲେ । ଏଠାରେ ସୂଚନାଯୋଗ୍ୟ ଯେ ପ୍ରତି ବର୍ଷ ସାହୁ ଟିକ୍ରା ଠାରେ ରକ୍ତ ଦାନ ଶିବିର ମାନ ଆୟୋଜନ କରି ସ୍ବାଧିନତା ଦିବସ ପାଳନ କରିଥାନ୍ତି ସାହୁ ଟିକ୍ରା ବାସୀ ।