ନୂଆପଡ଼ା(ଅମିତ ପୁରୋହିତ) : ନୂଆପଡା ଜିଲ୍ଲା ଖରିଆର ରୋଡ ଏନ.ଏ.ସି ସ୍ଥିତ କାଞ୍ଚନବେନ ରସିକଲାଲ ଢୋଲକିଆ ଚେରିଟେବୁଲ ଟ୍ରଷ୍ଟ ତରଫରୁ ରାସ୍ତା କଡରେ ଠେଲା ଲଗାଇ ବିକ୍ରି କରୁଥିବା ଜଳଖିଆ ଦୋକାନି ମାନଙ୍କୁ ଖାଦ୍ୟବାକ୍ସ ବଣ୍ଟନ କରାଯାଇଛି । ଖରିଆର ରୋଡ ସ୍ଥିତ ଗଣପତି ପେଲେସ ଠାରେ ନୂଆପଡା ବିଧାୟକ ରାଜେନ୍ଦ୍ର ପ୍ରସାଦ ଢୋଲକିଆ ମୂଖ୍ୟ ଅତିଥିରୂପେ ଯୋଗ ଦେଇ ଦୋକାନି ମାନଙ୍କୁ ଖାଦ୍ୟବାକ୍ସ ବଣ୍ଟନ କରିଥିଲେ ଓ ଦୋକାନି ମାନଙ୍କୁ ଖୋଲାରେ ଜଳଖିଆ ରଖି ବିକି୍ର ନ କରିବା ପାଇଁ ପରାମର୍ଶ ଦେଇଥିଲେ । କରୋନା ମହାମାରୀ ର ବ୍ୟାପକତାକୁ ଆଖି ଆଗରେ ରଖି ଦୋକାନି ମାନଙ୍କୁ ମାସ୍କ ଓ ହାତରେ ଗ୍ଲୋବସ୍ ପିନ୍ଧିବା ସାମାଜିକ ଦୂରତା ରକ୍ଷା କରିବା ଯେତିକି ଜରୁରୀ ଲୋକଙ୍କୁ ବିକ୍ରି କରୁଥିବା ଖାଦ୍ୟ ପଦାର୍ଥ ର ସ୍ୱଚ୍ଛତା ସେତିକି ଆବଶ୍ୟକ ବୋଲି ଉଦବୋଧନ ଦେଇଥିଲେ । ଏହି ପରି ଭାବରେ ୩୪ ଗୋଟି ଖାଦ୍ୟବାକ୍ସ ରାସ୍ତା କଡର ଜଳଖିଆ ଦୋକାନିକୁ ବଣ୍ଟନ କରାଯାଇଥିଲା । ରମୁ ଅଗ୍ରୱାଲ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ଅବନି ରଞ୍ଜନ ଯୋଶି, ରମେଶ ଅଗ୍ରୱାଲ, ନିଶାନ୍ତ ଡାଗା, ରାଜେଶ ନିଗମ, ରାଜୁ ଚୈାହାନ, ମନୋଜ ଡାଗା, ଶେଖର ଜୈନ ପ୍ରମୁଖ ଉପସ୍ଥିତ ରହି ସହଯୋଗ କରି ଥିଲେ ।
