ଭୁବନେଶ୍ୱର (ଶାସକ ପ୍ରଶାସକ) :ଭୁବନେଶ୍ୱର ଉତ୍ତର ନିର୍ବାଚନମଣ୍ଡଳୀ ୧୪ ନଂ ୱାର୍ଡ ଅନ୍ତର୍ଗତ ନିଳାଦ୍ରୀ ବିହାର ଅଞ୍ଚଳରେ ରହୁଥିବା ଶ୍ରୀ ବେଣୁଧର ଭୋଳ ଓ ମିନତୀ ଭୋଳଙ୍କ ସୁଯୋଗ୍ୟ ସନ୍ତାନ ଶ୍ରୀକୁମାର ବିଶ୍ୱରଞ୍ଜନ ଏଥର ୟୁପିଏସସି ପରୀକ୍ଷାରେ ପାଇଛନ୍ତି ସଫଳତା । ଜଣେ ଦରଜୀ ଭାବେ ଜୀବିକା ନିର୍ବାହ କରୁଥିବା ବେଣୁଧର ଭୋଳଙ୍କ ସୁଯୋଗ୍ୟ ସନ୍ତାନ ବିଶ୍ୱରଂଜନ ସଫଳ ହୋଇଥିବା ସାରା ଦେଶର ୮୨୯ ଜଣଙ୍କ ମଧ୍ୟରେ ଅଛନ୍ତି ୧୮୨ ତମ ସ୍ଥାନରେ । ଏହି ସଫଳତା ପାଇଁ ଶୁଭେଚ୍ଛା ଜଣାଇବାକୁ ତାଙ୍କ ଘରେ ପହଞ୍ଚିଥିଲେ ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ କୁମାର ରାଉତ । ଏହି ଜାତୀୟ ସ୍ତରର ସଫଳତା ପାଇଁ ବିଶ୍ୱରଞ୍ଜନଙ୍କୁ ଶୁୂଭେଚ୍ଛା ଓ ସମ୍ବର୍ଦ୍ଧନା ଜଣାଇବା ସହ ତାଙ୍କର ଉତରୋତ୍ତର ଉନ୍ନତି କାମନା କରିଥିଲେ । ବିଶ୍ୱରଞ୍ଜନଙ୍କ ଏ ସଫଳତା ପାଇଁ ତାଙ୍କ ପିତା ମାତାଙ୍କୁ ମଧ୍ୟ ଶୁଭେଚ୍ଛା ଜଣାଇଥିଲେ । ବିଧାୟକ ଶ୍ରୀ ରାଉତଙ୍କ ସହ ସୁବାସ ଚନ୍ଦ୍ର ପାତ୍ର ଓ ମନୋଜ କୁମାର ସାହୁ ପ୍ରମୁଖ ଉପସ୍ଥିତ ରହି ବିଶ୍ୱରଞ୍ଜନ ଓ ତାଙ୍କ ପିତାମାତାଙ୍କୁ ଶୁଭକାମନା ଜଣାଇଥିଲେ ।
