ଭୁବନେଶ୍ୱର : ଆଜି ରାଜ୍ୟରେ ଚିହ୍ନଟ ହୋଇଛନ୍ତି ୪୫୬ ଜଣ କରୋନା ପଜିଟିଭ | ସେମାନଙ୍କ ମଧ୍ୟରୁ କ୍ଵାରେଣ୍ଟାଇନରୁ ୩୦୯ ଜଣ ଚିହ୍ନଟ ହୋଇଥିବା ବେଳେ ଉଦବେଗଜନକ ଭାବେ ୧୪୭ ଜଣ ଚିହ୍ନଟ ହୋଇଛନ୍ତି ସର୍ବସାଧାରଣ ଅଂଚଳରୁ | ଫଳରେ ମୋଟ ପଜିଟିଭଙ୍କ ସଂଖ୍ୟା ୯୫୨୬ ରେ ପହଂଚି ଥିବା ବେଳେ ସୁସ୍ଥଙ୍କ ସଂଖ୍ୟା ୬୨୨୪ ରହିଛି | ଆଜିର ନୂତନ ଆକ୍ରାନ୍ତଙ୍କୁ ମିଶାଇ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୩୨୫୪ ହୋଇଛି | ଆଜି ଦୁଇଜଣଙ୍କ ଦେହାନ୍ତ ହୋଇଛି | ମୃତକଙ୍କ ମଧ୍ୟରୁ ଜଣେ ଗଂଜାମ ଜିଲ୍ଲାରୁ ଥିବା ବେଳେ ଆଉ ଜଣେ ଯାଜପୁରରୁ ବୋଲି ସରକାରଙ୍କ ଡ୍ୟାସବୋର୍ଡ଼ରୁ ଜଣାପଡିଛି | ମୃତକଙ୍କ ସଂଖ୍ୟା ୩୮ରେ ପହଂଚିଛି |
ଆଜି ଆକ୍ରାନ୍ତଙ୍କ ମଧ୍ୟରେ ଗଞ୍ଜାମରେ ଗଂଜାମରେ ସର୍ବାଧିକ ୧୬୬ ଜଣ ପଜିଟିଭ ଚିହ୍ନଟ ହୋଇଥିବା ବେଳେ ଯାଜପୁର ୫୭, ବରଗଡ ୩୩, ନବରଙ୍ଗପୁର ୨୪, ଜଗତସିଂପୁର ୨୩, ଖୋର୍ଦ୍ଧା ୨୧, ସୁନ୍ଦରଗଡ ୨୦ ସମ୍ବଲପୁର ୧୫, ବାଲେଶ୍ୱର ୧୪, ରାୟଗଡା ଓ କଟକରୁ ୧୩ଜଣ ଲେଖାଏ, ଭଦ୍ରକ ୧୨, କୋରାପୁଟ ୧୦, ମୟୁରଭଞ୍ଜ ୮, ବଲାଙ୍ଗୀର ୬, କେନ୍ଦ୍ରାପଡା ୫, ନୟାଗଡ ୪, କନ୍ଧମାଳ ଓ ପୁରୀରୁ ୩ ଜଣ ଲେଖାଏ, କେନ୍ଦୁଝରରୁ ୨, କଳାହାଣ୍ଡି, ଅନୁଗୁଳ, ଢେଙ୍କାନାଳ, ଗଜପତି ରୁ ଜଣେ ଲେଖାଏ ଚିହ୍ନଟ ହୋଇଥିବା ଜଣ ପଡିଛି |
