ପାରଳାଖେମୁଣ୍ଡି /ବାଳକୃଷ୍ଣ ପାଣିଗ୍ରାହୀ : ଗଜପତି ଜିଲ୍ଲା ସଦର-ମହକୁମା ପାରଳାଖେମୁଣ୍ଡି ଠାରେ ଥିବା ଦକ୍ଷିଣ-ଓଡିଶାର ପ୍ରସିଦ୍ଧ ଉପାନ୍ତ ଶ୍ରୀକ୍ଷେତ୍ରରେ ଚଳିତ ବର୍ଷ ତିନି ଠାକୁରଙ୍କ ପବିତ୍ର ବାହୁଡା ଯାତ୍ରା କାର୍ଯ୍ୟକ୍ରମ ଜିଲ୍ଲା ପ୍ରଶାସନର ଧାରା ୧୪୪ ଜାରୀ ସହ କେବଳ ଆଳତିରେ ଓ ବିନା ଶ୍ରଦ୍ଧାଳୁ ଭକ୍ତରେ ସମ୍ପନ୍ନ ହୋଇଛି ।
ଚଳିତ ବର୍ଷ କୋଭିଡ-୧୯ ପରିସ୍ଥିତିକୁ ଦୃଷ୍ଟି ଆଗରେ ରଖି ଚଳିତ ବର୍ଷର ବାହୁଡାଯାତ୍ରା ପାଳନ ଅବସରରେ ନିର୍ଦ୍ଧିଷ୍ଟ କେତେକ ନୀତିକାନ୍ତି କାର୍ଯ୍ୟକ୍ରମ ନିର୍ଦ୍ଧିଷ୍ଟ କେତେକ ପୂଜକ ତଥା ସେବାୟତ ମାନଙ୍କ ମଧ୍ୟରେ ମହାପ୍ରଭୁଙ୍କ କେବଳ ଆଳତି କାର୍ଯ୍ୟରେ ସମ୍ପନ୍ନ ହୋଇଥିଲା ।
ଉପାନ୍ତ ଅଞ୍ଚଳର ଏହି ପବିତ୍ର ରଥଯାତ୍ରା ଦେଖିବା ପାଇଁ ପ୍ରତିବର୍ଷ ଲକ୍ଷାଧିକ ସଂଖ୍ୟକ ଶ୍ରଦ୍ଧାଳୁ ଭକ୍ତଙ୍କ ସମାଗମ ହୋଇଥାନ୍ତି । ଏହାକୁ ଦୃଷ୍ଟିରେ ରଖି କୌଣସି ଶ୍ରଦ୍ଧାଳୁ ଭକ୍ତ ଯେଭଳି ମନ୍ଦିର ପରିବେଶ ଭିତରକୁ ପ୍ରବେଶ ନ କରିବେ ଏବଂ ଭିଡ ନ ହେବ , ସେଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ୨ ଦିନ ପାଇଁ ଧାରା ୧୪୪ ଜାରୀ କରାଯାଇ ମନ୍ଦିର ପ୍ରବେଶ ପଥ ଗୁଡିକରେ ବାଉଁଶ ବେରିକେଟ କରି କଡା ପୋଲିସ ପହରା ଦିଆଯାଇଥିଲା।
ଆଜି ସକାଳେ ଓ ପୂର୍ବାହ୍ନରେ , ବାହୁଡାଯାତ୍ରା ଅବସରରେ ମନ୍ଦିରରେ ମହାପ୍ରଭୁଙ୍କ ଆଳତି , ମଇଲମ , ତଡପ ଲାଗି ,ଅବକାଶ , ଚିତାଲାଗି , ପୂଜାର୍ଚ୍ଚନା ପ୍ରଭୃତି ପାରମ୍ପରିକ ନୀତିକାନ୍ତି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ମହାପ୍ରଭୁଙ୍କ ଏହି ସବୁ କାର୍ଯ୍ୟକ୍ରମ କେବଳ ନିର୍ଦ୍ଧିଷ୍ଟ ସ୍ୱଳ୍ପ କେତେ ଜଣ ପୂଜକ ତଥା ସେବାୟତ ମାନଙ୍କ ଗହଣରେ ଘଣ୍ଟ ଧ୍ୱନୀରେ ସଂମ୍ପନ୍ନ ହୋଇଥିଲା । ତିନି ଠାକୁରଙ୍କ ପବିତ୍ର ବାହୁଡା-ଯାତ୍ରାଦିନରେ ଜଗନ୍ନାଥ ମନ୍ଦିର ପରିସର ଓ ବଡଦାଣ୍ଡ ଭକ୍ତ ଶୁନ୍ୟରେ ଅତ୍ୟନ୍ତ ଖାଁ ଖାଁ ଲାଗୁଥିଲା।
