ସୁନ୍ଦରଗଡ଼ (ହୋରାଚାନ୍ଦ ଦେଉରିଆ) :-  ଜ଼ିଲ୍ଲା ସବ-ରେଜିଷ୍ଟାର ତ୍ରିଦେବ ପ୍ରଧାନଙ୍କ ଦ୍ୱାରା ଜମି  ପଞ୍ଜିକରଣ କାର୍ଯ୍ୟକ୍ରମ ଆରମ୍ଭ କରାଗଲା ଓ ପଞ୍ଜିକରଣ ସାରି ସୁନ୍ଦରଗଡ଼ ସଦର ତହସିଲଦାର କାର୍ଯ୍ୟାଳୟକୁ ସମସ୍ତ ଡକୁମେଣ୍ଟ ପଠାଗଲା l ସୁନ୍ଦରଗଡ଼ ସଦର ତହସିଲଦାର କାର୍ଯ୍ୟାଳୟରେ  ସମସ୍ତ ଡକୁମେଣ୍ଟ ପହଂଚିବାର ୨ ଘଣ୍ଟା ଭିତରେ ସୁନ୍ଦରଗଡ଼ ସଦର ଉପଜ଼ିଲ୍ଲାପାଳ  ଶ୍ରୀ ଅଭିମନ୍ୟୁ ବେହେରାଙ୍କ ଦ୍ୱାରା ସଦର ତହସିଲଦାର ଶ୍ରୀ ଯୁଗେଶ୍ବର ଭୋଇ,ଅତିରିକ୍ତ ତହସିଲଦାର ଶ୍ରୀ ଘନଶ୍ୟାମ ମୁଣ୍ଡା,ରେଭେନ୍ୟୁ ଇନିସପେକ୍ଟର ନିରୁପମା ନାଏକ ଓ ବରିଷ୍ଠ ଆଇନଜୀବି ଶ୍ରୀ କିଶୋର କୁମାର ନାଏକ,  ସୁରଜ ଚାନ୍ଦ ପଟେଲ ଙ୍କ, ତହସିଲ ସୁପର ଭାଇଜର ଦିଲୀପ ଚୌଧୁରୀ ଙ୍କ ଉପସ୍ଥିତିରେ ସୁନ୍ଦରଗଡ଼ ସଦର ଉପ ଜ଼ିଲ୍ଲାପାଳ ଶ୍ରୀ ଅଭିମନ୍ୟୁ ବେହେରା  ଜମି ମାଲିକ ଆଇନଜୀବି ଶ୍ରୀ ଅଶୋକ କୁମାର ସ୍ୱାଇଁ ପଟା ହସ୍ତାନ୍ତର କଲେ l ସୁନ୍ଦରଗଡ଼ ଜ଼ିଲ୍ଲା ରେ ପ୍ରଥମ ଥର ପାଇଁ ରାଜ୍ୟ ସରକାର ଙ୍କ ନୂତନ ନିୟମ ଜମି ପଞ୍ଜିକରଣ ର ଏକ ସପ୍ତାହ ମଧ୍ୟରେ ପଟା ପ୍ରଦାନ ନିୟମ  ଅନୁସାରେ ଯେଉଁ ଦିନ ପଞ୍ଜିକରଣ ସେହିଦିନ ହିଁ ପଟା ହସ୍ତାନ୍ତର କରାଗଲା l