ରେଢାଖୋଲ ଉପଖଣ୍ଡ ପ୍ରତିନିଧି ଯଶୋବନ୍ତ ନାରାୟଣ ସାହୁ : ସମ୍ବଲପୁର ଜିଲ୍ଲା ରେଢାଖୋଲ ଉପଖଣ୍ଡ ଡଇଁଚା ପଞ୍ଚାୟତର ବାପୁଜୀ ସରକାରୀ ଉଚ୍ଚ ବିଦ୍ୟାଳୟ ଠାରେ ଥିବା କ୍ୱାରେଣ୍ଟାଇନ ସେଣ୍ଟରକୁ ଆଜି ବିଷୋଧନ କରାଯାଇଛି । ଏହି ସେଣ୍ଟରରେ ୧୭ ଜଣ ପ୍ରବାସୀ ଓଡିଆ ରହୁଥିବା ବେଳେ କ୍ୱାରେଣ୍ଟାଇନ ସେଣ୍ଟରର ବାହ୍ୟ ପରିସରକୁ ଡଇଁଚା ସରପଞ୍ଚ ପ୍ରବୀଣ କୁମାର ପ୍ରଧାନ, ସାମ୍ବାଦିକ କନ୍ଦର୍ପ ବେହେରା, ରିଙ୍କୁ ସାହୁ ପ୍ରମୁଖ ସାନିଟାଇଜ୍‌ କରିଛନ୍ତି । ଅଞ୍ଚଳକୁ ସଂପୂର୍ଣ ବିଶୋଧନ କରାଗଲେ କୌଣସି ପ୍ରକାର କରୋନା ଭୂତାଣୁ ପ୍ରବେଶ କରି ପାରିବେ ନାହିଁ ବୋଲି ସରପଞ୍ଚ ପ୍ରବୀଣ କୁମାର ପ୍ରଧାନ ପ୍ରକାଶ କରିଛନ୍ତି । ଭବିଷ୍ୟତରେ ଆବଶ୍ୟକ ହେଲେ ଗ୍ରାମରେ ମଧ୍ୟ ବିଷୋଧନ କରାଯିବ ବୋଲି ସ୍ୱେଚ୍ଛାସେବୀମାନେ ପ୍ରକାଶ କରିଛନ୍ତି । ସାମ୍ବାଦିକ, ସରପଞ୍ଚ ଏବଂ ସ୍ୱେଚ୍ଛାସେବୀଙ୍କ ଏହି ବିଶୋଧନ କାମକୁ ସମସ୍ତେ  ପ୍ରଶଂସା କରିଛନ୍ତି ।