ପଦ୍ମପୁର/ଶାସକ ପ୍ରଶାସକ : ସମଗ୍ର ବିଶ୍ବକୁ ବର୍ତ୍ତମାନ କରୋନା ଭୟ ରହିଛି । କରୋନାକୁ ଦମନ କରିବା ପାଇଁ ସଚେତନତା ତଥା ସାମାଜିକ ଦୂରତ୍ବ ଏକମାତ୍ର ଉପାୟ । ସରକାରଙ୍କ ଦ୍ବାରା ସମଗ୍ର ଭାରତକୁ ୨୧ଦିନ ପାଇଁ ତାଲା ବନ୍ଦ ଡାକରା ଦିଆଯାଇଛି । ଏହି ତାଲା ବନ୍ଦ ସମୟରେ କେବଳ ଅତ୍ୟାବଶ୍ୟକ ସମଗ୍ରୀ ଯଥା ଔଷଧ, ପନିପରିବା, ଖାଇବା ସାମଗ୍ରୀ, ଦୁଗ୍ଧ ,ଗ୍ୟାସ, ପେଟ୍ରୋଲ ବ୍ୟତୀତ ସବୁ ଦୋକାନ ବନ୍ଦ କରାଯାଇଛି । ଜନସାଧାରଣ ଙ୍କୁ ଘରୁ ନ ବାହାରିବାକୁ କୁହାଯାଇଛି । ଆଜି ପଦ୍ମପୁର ସହରରେ ମଧ୍ୟ ଉପଖଣ୍ଡ ପ୍ରଶାସନ ତଥା ପୋଲିସ ପ୍ରଶାସନ ପକ୍ଷରୁ ଲୋକଙ୍କୁ ସଚେତନ କରାଯାଉଛି । ପଦ୍ମପୁର ତହସିଲଦାର ସରୋଜିନୀ ପ୍ରସନ୍ନ କୁଲୁ  ନିଜେ ଭେଉଁରିଆ ଛକରେ ଉପସ୍ଥିତ ରହି ପୋଲିସ ସହାୟତାରେ ଲୋକଙ୍କ ଯିବାଆସିବା ଉପରେ ନଜର ରଖିଛନ୍ତି ଏବଂ ସଚେତନ ମଧ୍ୟ କରୁଥିବା ଦେଖିବାକୁ ମିଳିଥିଲା |