ମାସକର ଦରମା ଦେଲେ ବିଧାୟକ ଦେବୀରଞ୍ଜନ, ସଂଗ୍ରାମ ଦେଲେ ତିନିମାସର ଭତ୍ତା
ଭୁବନେଶ୍ୱର( ଶାସକ ପ୍ରଶାସକ) ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜ ତିନିମାସର ଦରମା କରୋନା ପିଡୀତଙ୍କ ସକାଶେ ଖର୍ଚ କରିବା ପାଇଁ ସିଏମ (କୋବିଦ-୧୯) ରିଲିଫ ଫଣ୍ଡକୁ ପ୍ରଦାନ କରିବା ତଥା ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମା ଦଳର ବିଧାୟକ ଓ ସଂସଦ ମାନଙ୍କୁ ମାର୍ଚ୍ଚ ୨୯ ସୁଧା ତିନିମାସର ଦରମା ଦେବା ପାଇଁ ଆହ୍ୱାନ କରିବା ପରେ ସିଏମ ରୁଲ୍ରେଉଫ ଫଣ୍ଡ କୁ ସହାୟତା ଦେବା ଆରମ୍ଭ କରିଛନ୍ତି ଦଳର ମନ୍ତ୍ରୀ ଓ ବିଧାୟକ | ଖାଦ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ, ପଞ୍ଚାୟତିରାଜ, ନଗର ଉନ୍ନୟନ ତଥା ଆଇନ ମନ୍ତ୍ରୀ ପ୍ରତାପ ଜେନା ମୁଖ୍ୟମନ୍ତ୍ରୀଙ୍କ ପଦାଙ୍କ ଅନୁସରଣ କରି କୋବିଦ ପ୍ରଭାବିତଙ୍କୁ ସହାୟତା ପାଇଁ ମୁଖ୍ୟମନ୍ତ୍ରୀଙ୍କ (କୋବିଦ-୧୯) ରିଲିଫ ପାଣ୍ଠିକୁ ନିଜ ତିନି ମାସର ଦରମା ପ୍ରଦାନ କରିଛନ୍ତି | ସେହିପରି ବାଙ୍କୀର ଯୁବ ବିଧାୟକ ଦେବୀ ରଞ୍ଜନ ତ୍ରିପାଠୀ ମଧ୍ୟ ମୁଖ୍ୟମନ୍ତ୍ରୀଙ୍କ ଦ୍ୱାରା ପ୍ରେରିତ ହୋଇ ତାଙ୍କର ଗୋଟିଏ ମାସର ଦରମା ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ପ୍ରଦାନ କରିଛନ୍ତି |
ଓଡିଶା ଖଦି ଓ ଗ୍ରାମୋଦ୍ୟୋଗ ବୋର୍ଡ଼ ସଭାପତି ସଂଗ୍ରାମ ପାଇକରାୟ ତାଙ୍କର ତିନି ମାସର ଭତ୍ତା (honorarium) ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠି ଙ୍କୁ ପ୍ରଦାନ କରିଛନ୍ତି । କରୋନାର ସଠିକ ମୁକାବିଲା ନିମନ୍ତେ ମୁଖ୍ୟମନ୍ତ୍ରୀ ଙ୍କୁ ପ୍ରଂଶସା କରିବା ସହିତ, ସରକାର ଙ୍କ ନିର୍ଦେଶ ଓ ଉପଦେଶକୁ ମାନିବା ନିମନ୍ତେ ଜନସାଧାରଣଙ୍କୁ ନିବେଦନ କରିଛନ୍ତି।
