ନୂଆପଡ଼ା(ଅମିତ ପୁରୋହିତ) ;ନୂଆପଡ଼ା-କୋମନା ଜାତୀୟ ରାଜପଥ ୩୫୩ ଧରମପୁର ଛକ ପାଖରେ ଜଣେ ଯୁବକର ମୃତଦେହ ପଡିଥିବା ଦେଖିବାକୁ ମିଳିଛି । ମୃତ ଯୁବକର ହାତ ଓ ଶରୀରର ବିଭିନ୍ନ ସ୍ଥାନରେ ଧାରୁଆ ଅସ୍ତ୍ର ଦ୍ୱାରା କଟାଯାଇଥିବା କ୍ଷତ ଦେଖିବାକୁ ମିଳିଛି । ଏହାର ପାରିପାର୍ଶିକ ସ୍ଥିତିରୁ ଜଣାପଡୁଛି ଯେ, କେହି ହତ୍ୟାକରି ଦୁର୍ଘଟଣାର ରୂପ ଦେବାକୁ ଚେଷ୍ଟା କରିଛି । ମୃତକ ଜଣକ ହେଲେ କୋମନା ଥାନା ଅର୍ନ୍ତଗତ ଦାନୋଝଲା ଗାଁର ଜୟନ୍ତ ନାଗ(୨୦) । ଜୟନ୍ତ ଏକ ସଂର୍ପକୀୟଙ୍କ ବାହାଘର ଭୋଜିରେ ଯୋଗ ଦେବାକୁ ଧରମପୁର ଗାଁ କୁ ଆସିଥିଲେ । ସେ ଆଉ ଘରକୁ ଫେରି ନଥିଲେ । ତାଙ୍କ ମୃତଦେହ ଜାତୀୟ ରାଜପଥ ୩୫୩ ଧରମପୁର ଛକ ନିକଟରେ ପଡିଥିବା ଦେଖି ସ୍ଥାନୀୟ ଲୋକେ ପୁଲିସ କୁ ଖବର ଦେଇଥିଲେ । ଘଟଣା ସ୍ଥଳରେ ତରବୋଡ ଫାଣ୍ଡି ପୁଲିସ ତଦନ୍ତ ଚଲାଇଛି । ଧରମପୁର ଛକ ନିକଟରେ ଥିବା ଯାତ୍ରୀ ବିଶ୍ରାମ ଗୃହରେ ରକ୍ତ ଛିଟା ପଡିଥିବା ଦେଖିବାକୁ ମିଳିଛି । ତେଣୁ  ଏହା ପ୍ରାଥମିକ ତଦନ୍ତରୁ  ଜୟନ୍ତକୁ ହତ୍ୟା କରାଯାଇଥିବା ସନ୍ଦେହ କରାଯାଉଛି ।