ସାରାଙ୍କ କଣ୍ଠରେ ପୁଣି ଏଥର "ଜାବା ଜାବା ଫୁଟବଲନ୍ ଓଡିନାବା"
ପାରଳାଖେମୁଣ୍ଡି (ବାଳକୃଷ୍ଣ ପାଣିଗ୍ରାହୀ) : କେତେବେଳେ ସି ଟିମ, କେତେବେଲେ ଉଡାନ ତ ଆଉ କେତେବେଳେ ଆଉ କିଛି, ସବୁବବେଳେ କିଛି ହଟକେ କରି ଚର୍ଚାରେ ରହି ଆସିଥିବା ଆଇପିଏସ ଅଫିସର ତଥା ଗଜପତି ଏସପି ସାରା ଶର୍ମା ଏବେ ପୁଣି ଚର୍ଚ୍ଚାରେ | ଏସ୍ ଡି ସି ଫୁଟବଲ କପ୍ --୨୦୨୦ ଥିମ୍ ଗୀତ ଗାଇ ପୁଣି ଚର୍ଚ୍ଚାରେ ଗଜପତି ଏସପି ସାରା ଶର୍ମା |
ରାଜ୍ୟ ସରକାରଙ୍କ ପକ୍ଷରୁ ଆୟୋଜିତ ସ୍ୱତନ୍ତ୍ର ଉନ୍ନୟନ ପରିଷଦ ଫୁଟବଲ ଟୁର୍ନାମେଣ୍ଟ (ଏସଡ଼ିସି) ପାଇଁ ଆଦିବାସୀ ବା ଜନଜାତି ଭାଷାରେ ଗୀତ ଗାଇଛନ୍ତି ଏସପି ସାରା | ଗୀତର ଟାଇଟଲ ରହିଛି "ଜାବା ଜାବା ଫୁଟବଲନ୍ ଓଡିନାବା , ଜାବା ଜାବା ଫୁଟବଲନ୍ ଆଙ୍ଗୋଙ୍ଗ ଜିଙ୍ଗବା" | 7ଟି ଜନଜାତି ଭାଷାରେ ଏହି ଗୀତ ରେକର୍ଡିଙ୍ଗ ହୋଇଥିବା ଜଣାପଡିଛି |
୭ଗୋଟି ଜନଜାତି ଭାଷାକୁ ନେଇ ପ୍ରସ୍ତୁତ ଗୀତରେ ଏସପି ସାରା ଶର୍ମା ଓ ଷ୍ଟିଫେନ ସୁନ୍ଦର ଭାବେ କଣ୍ଠଦାନ କରିଛନ୍ତି । ଏହି ସବୁ ସଙ୍ଗୀତକୁ ନିର୍ଦ୍ଦେଶନା ଦେଇଛନ୍ତି ଗୁରୁ ରଘୁନାଥ ପାତ୍ର। ପାରଳାଖେମୁଣ୍ଡି ଠାରେ ସମସ୍ତ ଗୀତ ରେକଡ଼ିଂ କରାଯାଇଛି। ଆଦିବାସୀ ସଙ୍ଗୀତ 'କୁସମାଇ ଲାଙ୍ଗି ' ର ଟ୍ରାକରେ ପ୍ରସ୍ତୁତ କରାଯାଇଛି ଏହି ଗୀତ । ସଅରା , ଦେଶିଆ , ହୋ , ମୁଣ୍ଡା , କୋୟା , ସାନ୍ତାଳୀ , କୁଇ ସମେତ ଆଦିବାସୀ ଓ ଓଡ଼ିଆ ଭାଷାକୁ ନେଇ ଏହିସବୁ ସଙ୍ଗୀତକୁ ଏସ୍ ଡି ସି ଫୁଟବଲ କପ୍ ଥିମ୍ ରେ ହୋଇଛି।
ଏସପି ଓ ଷ୍ଟିଫେନ୍ ଙ୍କ ସହିତ ପାରଳାଖେମୁଣ୍ଡିର ହିମାଂଶୁ ପଟ୍ଟନାୟକ ବି ଗୀତ ଗାଇଛନ୍ତି । ଆଉ ଗୀତଗୁଡିକ ବେଶ ଶ୍ରୁତି ମଧୁର ହୋଇଛି | ପାରଳାଖେମୁଣ୍ଡି ସ୍ଥିତ ସମନ୍ୱିତ ଆଦିବାସୀ ଉନ୍ନୟନ ସଂସ୍ଥା ର ପ୍ରକଳ୍ପ ପ୍ରଶାସକ ସରୋଜ କୁମାର ବେହେରା ଓ ଜିଲ୍ଲା ମଙ୍ଗଳ ଅଧିକାରୀ ସନ୍ତୋଷ କୁମାର ରଥ ଏ ସମସ୍ତ ଗୀତ ପ୍ରସ୍ତୁତିରେ ସହଯୋଗ କରିଥିଲେ।
ଆଗରୁ ଗାଇଥିବା ଥିମ ସଙ୍ଗ " ନାରୀର ସୁରକ୍ଷା ପାଇଁ ...ଆମେ ସି ଟିମ" ବେଶ ଚର୍ଚାରେ ଥିବାବେଳେ ଏବେ ପୁଣି ଏଇ ଫୁଟବଲ ଥିମ ଗୀତ ମାଧ୍ୟମରେ ଚର୍ଚ୍ଚାର ପସିସରକୁ ଆସିଛନ୍ତି ଏସପି ସାରା ଶର୍ମା |
