ଓଡ଼ଗାଁ,(ଶ୍ରୀକାନ୍ତ ମିଶ୍ର): କାଶ୍ମୀରିର ପୁଲବାମା ଠାରେ ଆତଙ୍କବାଦୀଙ୍କ ଆତ୍ମଘାତୀ ବିସ୍ଫୋରଣର ଏକବର୍ଷ ପୂର୍ତ୍ତିରେ ସହିଦ ହୋଇଥିବା ସୈନୀକମାନଙ୍କୁ ଶ୍ରଦ୍ଧାଞ୍ଜଳି ଜଣାଇ ସ୍ଥାନୀୟ ଅଂଚଳର ସିଭିଲିୟାନ ଡିଫେନ୍ସ ଏକାଡେମି ତରଫରୁ ଏକ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ  ହୋଇଯାଇଛି । ଯୁଗ ଉଦାମତା ଯୁକ୍ତ ଭାଲେଂଟାଇନ୍ସ ଦିବସକୁ ଏଡାଇଯାଇ  ସହିଦ ସଦଗତି ଦିବସ ପାଳନକୁ ସେମାନେ ଉଚିତ ମଣିଥିଲେ । ସିଭିଲିୟାନ ଡିଫେନ୍ସ ଏକାଡେମିର ସଭ୍ୟମାନେ ସନ୍ଧ୍ୟାରେ ଶ୍ରୀରଘୁନାଥଙ୍କ ପୀଠରୁ ଏକ କ୍ୟାଣ୍ଡେଲ ଶୋଭାଯାତ୍ରାରେ ବାହାରି କଦମ୍ବ ବଜାର ଓ ଲକ୍ଷ୍ମୀବଜାର ଦେଇ ବ୍ଲକ୍ରୋଡ ସହିଦ ସ୍ମୃତି ପୀଠରେ ପହଁଚିଥିଲେ । ପାକିସ୍ଥାନ ମୃଦାବାଦ, ହିନ୍ଦୁସ୍ଥାନ ଜିନ୍ଦାବାଦ, ଶହୀଦ ଜବାନ ଅମର ରହେ ଧ୍ୱନୀରେ ପ୍ରକମ୍ପିତ ହୋଇଉଠିଥିଲା ସ୍ମୃତିପୀଠ । ପରେ ଶୋଭାଯାତ୍ରୀମାନେ ମହାତ୍ମାଗାନ୍ଧୀଙ୍କ ପ୍ରତିମୂର୍ତ୍ତି ନିକଟରେ ଓଁକାର  ଶବ୍ଦ ଉଚ୍ଚାରିତ କରିବା ସହିତ  ସହିଦମାନଙ୍କ ଉଦେଶ୍ୟରେ ୨ମିନିଟ ନୀରବ ପ୍ରାର୍ଥନା କରିଥିଲେ  ।